ਅੰਮਿ੍ਤਸਰ, 2 ਨਵੰਬਰ (ਗਗਨਦੀਪ ਸ਼ਰਮਾ)-ਉੱਤਰ ਰੇਲਵੇ ਕਰਮਚਾਰੀ ਯੂਨੀਅਨ (ਯੂ. ਆਰ. ਕੇ. ਯੂ.) ਦੀ ਡਿਵੀਜ਼ਨ ਬਾਡੀ ਵਲੋਂ ਅੰਮਿ੍ਤਸਰ ਰੇਲਵੇ ਸਟੇਸ਼ਨ ਦਾ ਦੌਰਾਨ ਕਰਨ ਆਏ ਉੱਤਰ ਰੇਲਵੇ ਦੇ ਏ. ਜੀ. ਐੱਮ. ਮੋਹਿਤ ਚੰਦਰਾ ਨੂੰ ਮੰਗ ਪੱਤਰ ਸੌਂਪਿਆ ਗਿਆ | ਡਿਵੀਜ਼ਨਲ ਸੈਕਰੇਟਰੀ ਐੱਸ. ਐੱਸ. ਮਾਨ ਅਤੇ ਕੈਸ਼ੀਅਰ ਕੁਲਭੁਸ਼ਨ ਸ਼ਰਮਾ ਦੇ ਦੱਸਣ ਅਨੁਸਾਰ ਇਸ ਮੰਗ ਪੱਤਰ ਵਿਚ ਪੂਰੇ ਡਿਵੀਜ਼ਨ 'ਚ ਸਟਾਫ ਦੀ ਕਮੀ ਦੂਰ ਕਰਨ, ਓਵਰ ਟਾਈਮ ਦੇ ਬਿਲ ਜਲਦੀ ਦਿਵਾਉਣ, ਰੇਲਵੇ ਹਸਪਤਾਲ 'ਚ ਪੱਕੇ ਡਾਕਟਰਾਂ ਨੂੰ ਤਾਇਨਾਤ ਕਰਨ, ਰੇਲਵੇ ਕਾਲੋਨੀਆਂ ਦੀ ਦੇਖਭਾਲ ਸਹੀ ਤਰੀਕੇ ਨਾਲ ਕਰਨ, ਕਰਮਚਾਰੀਆਂ ਦੇ ਡਿਊਟੀ ਰੋਸਟਰ ਨੂੰ 12 ਘੰਟੇ ਤੋਂ ਘਟਾ ਕੇ 8 ਘੰਟੇ ਕਰਨ ਆਦਿ ਦਾ ਜ਼ਿਕਰ ਕੀਤਾ ਗਿਆ ਹੈ | ਇਸ ਮੌਕੇ ਓਮ ਜਾਇਸਵਾਲ, ਬਰੂਨ ਸ਼ਰਮਾ, ਮਨੋਜ ਚੌਹਾਨ, ਮਨਦੀਪ ਸਿੰਘ, ਦੀਪਕ ਕੁਮਾਰ, ਰਾਕੇਸ਼ ਠਾਕੁਰ, ਭੂਰ ਸਿੰਘ, ਪ੍ਰਵੀਣ ਕੁਮਾਰ, ਨਿਤਿਨ ਦੇਵਗਨ ਵੀ ਹਾਜ਼ਰ ਸਨ |
