16-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 25-09-2025

ਜੀ. ਐੱਸ. ਟੀ. ਘਟਾਉਣ ਤੋਂ ਬਾਅਦ ਦਵਾਈਆਂ ਦੀ ਕੀਮਤ 'ਚ ਆਵੇਗੀ ਗਿਰਾਵਟ

ਕੇਂਦਰ ਸਰਕਾਰ ਵਲੋਂ ਦਵਾਈਆਂ 'ਤੇ ਘਟਾਈਆਂ ਗਈਆਂ ਜੀ. ਐੱਸ. ਟੀ. ਦਰਾਂ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸੰਜੀਵ ਭਾਟੀਆ ਅਤੇ ਸੰਜੀਵ ਜੈਨ | ਤਸਵੀਰ : ਨਿਰਮਲ ਸਟੂਡੀਓ <br/> 25-09-2025
ਅੰਮਿ੍ਤਸਰ, 24 ਸਤੰਬਰ (ਸੁਰਿੰਦਰ ਕੋਛੜ)-ਕੇਂਦਰ ਸਰਕਾਰ ਵਲੋਂ ਦਵਾਈਆਂ 'ਤੇ ਘਟਾਈਆਂ ਗਈਆਂ ਜੀ. ਐੱਸ. ਟੀ. (ਵਸਤੂਆਂ ਅਤੇ ਸੇਵਾਵਾਂ ਟੈਕਸ) ਦਰਾਂ ਨਾਲ ਬਾਜ਼ਾਰ 'ਚ ਜੀਵਨ ਰੱਖਿਅਕ ਦਵਾਈਆਂ ਸਮੇਤ ਹੋਰ ਦਵਾਈਆਂ ਸਸਤੀਆਂ ਹੋ ਜਾਣਗੀਆਂ | ਇਸ ਨਾਲ ਉਨ੍ਹਾਂ ਲੋਕਾਂ ਨੂੰ ਜ਼ਿਆਦਾ ਫ਼ਾਇਦਾ ਹੋਵੇਗਾ ਜਿਨ੍ਹਾਂ ਦਾ ਜੀਵਨ ਰੱਖਿਅਕ ਦਵਾਈਆਂ ਮਹਿੰਗੇ ਭਾਅ 'ਤੇ ਖ਼ਰੀਦਣ ਕਾਰਨ ਬਜਟ ਵਿਗੜ ਰਿਹਾ ਸੀ | ਅੰਮਿ੍ਤਸਰ ਕੈਮਿਸਟ ਐਸੋਸੀਏਸ਼ਨ (ਰਿਟੇਲ ਵਿੰਗ) ਦੇ ਪ੍ਰਧਾਨ ਸੰਜੀਵ ਭਾਟੀਆ ਅਤੇ ਜਨਰਲ ਸਕੱਤਰ ਸੰਜੀਵ ਜੈਨ ਨੇ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਹਿਲਾਂ ਜਿਨ੍ਹਾਂ ਦਵਾਈਆਂ 'ਤੇ ਜੀ. ਐੱਸ. ਟੀ. 12 ਫ਼ੀਸਦੀ ਜਾਂ 18 ਫ਼ੀਸਦੀ ਵਸੂਲੀ ਜਾ ਰਹੀ ਸੀ, ਹੁਣ ਘਟਾ ਕੇ 5 ਫ਼ੀਸਦੀ ਕਰ ਦਿੱਤੀ ਗਈ ਹੈ | ਇਸੇ ਤਰ੍ਹਾਂ 5 ਫ਼ੀਸਦੀ ਟੈਕਸ ਵਾਲੀਆਂ ਦਵਾਈਆਂ 'ਤੇ ਹੁਣ ਕੋਈ ਕਰ ਨਹੀਂ ਲਗਾਇਆ ਜਾਵੇਗਾ | ਉਕਤ ਕੈਮਿਸਟ ਆਗੂਆਂ ਨੇ ਦੱਸਿਆ ਕਿ ਦਵਾਈਆਂ ਅਤੇ ਮੈਡੀਕਲ ਉਪਕਰਨਾਂ 'ਤੇ ਜੀ. ਐੱਸ. ਟੀ. 'ਚ ਆਈ ਕਮੀ ਨਾਲ ਕੀਮਤਾਂ ਵਿਚ ਗਿਰਾਵਟ ਆਵੇਗੀ | ਦੱਸਿਆ ਜਾ ਰਿਹਾ ਹੈ ਕਿ ਪ੍ਰਚੂਨ ਫਾਰਮੇਸੀਆਂ ਪੁਰਾਣੀ 12 ਅਤੇ 18 ਫ਼ੀਸਦੀ ਸਲੇਬ 'ਤੇ ਖ਼ਰੀਦੀਆਂ ਦਵਾਈਆਂ 'ਤੇ ਵੱਧ ਤੋਂ ਵੱਧ ਪ੍ਰਚੂਨ ਕੀਮਤ (ਐੱਮ. ਆਰ. ਪੀ.) 'ਤੇ 7 ਤੋਂ 13 ਫ਼ੀਸਦੀ ਤੱਕ ਛੋਟ ਦੇਣਗੀਆਂ | ਦਰਾਂ 'ਚ ਹੋਏ ਬਦਲਾਅ ਨਾਲ ਥਰਮਾਮੀਟਰ, ਡਾਇਗਨੌਸਟਿਕ ਕਿੱਟਾਂ, ਰੀਐਜੈਂਟ, ਗਲੂਕੋਮੀਟਰ ਅਤੇ ਟੈਸਟ ਸਟਿ੍ਪਸ ਵਰਗੇ ਉਪਕਰਨ ਵੀ ਸਸਤੇ ਹੋ ਜਾਣਗੇ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਕੈਮਿਸਟ ਐਸੋਸੀਏਸ਼ਨ ਨੇ ਦਵਾਈ ਡੀਲਰਾਂ ਨੂੰ ਛੋਟ 'ਤੇ ਦਵਾਈਆਂ ਵੇਚਣ ਦੇ ਨਿਰਦੇਸ਼ ਦਿੱਤੇ ਹਨ |
ਪਿਛਲੀ ਖ਼ਬਰ ਜੀਵਨ ਰੱਖਿਅਕ ਦਵਾਈਆਂ ਖ਼ਰੀਦਣ ਵਾਲੇ ਗਾਹਕਾਂ ਨੂੰ ਮਿਲੇਗਾ ਜ਼ਿਆਦਾ ਫ਼ਾਇਦਾ ਜੀ. ਐੱਸ. ਟੀ. ਘਟਾਉਣ ਤੋਂ ਬਾਅਦ ਦਵਾ... ਅਗਲੀ ਖ਼ਬਰ ਸ਼੍ਰੋਮਣੀ ਕਮੇਟੀ ਵਲੋਂ ਕਿਰਤੀ ਸਿੱਖ ਭਾਈ ਲਾਲੋ ਜੀ ਦਾ ਜਨਮ ਦਿਹਾੜਾ ਗੁਰਦੁਆਰਾ ਸ੍ਰੀ ਮੰਜੀ ਸਾਹਿਬ ਵਿਖੇ ਸ਼ਰਧਾ ਸਹਿਤ...

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।