ਬੱਲੂਆਣਾ, 3 ਦਸੰਬਰ (ਜਸਮੇਲ ਸਿੰਘ ਢਿੱਲੋਂ)-ਥਾਈਲੈਂਡ ਤੋਂ ਜਿੱਤ ਪ੍ਰਾਪਤ ਕਰਕੇ ਭਾਰਤ ਦਾ ਨਾਂਅ ਦੁਨੀਆ ਵਿਚ ਉੱਚਾ ਕਰਨ ਵਾਲੇ ਵਿਸ਼ਾਲ ਕੁਮਾਰ ਡੇਲੂ ਪੁੱਤਰ ਦਵਿੰਦਰ ਕੁਮਾਰ ਦਾ ਪਿੰਡ ਹਿੰਮਤਪੁਰਾ ਪੁੱਜਣ 'ਤੇ ਪਿੰਡ ਦੇ ਸਰਪੰਚ ਸੁਸ਼ੀਲ ਕੁਮਾਰ ਕੜਵਾਸਰਾ, ਸਮੂਹ ਪੰਚਾਇਤ ਅਤੇ ਪਿੰਡ ਵਾਸੀਆਂ ਵਲੋਂ ਜਿੱਥੇ ਭਰਵਾਂ ਸਵਾਗਤ ਕੀਤਾ ਗਿਆ ਉੱਥੇ ਪਿੰਡ ਦੇ ਸਰਕਾਰੀ ਹਾਈ ਸਕੂਲ ਵਿਚ ਇਕ ਸਮਾਗਮ ਵੀ ਰੱਖਿਆ ਗਿਆ | ਸਕੂਲ ਦੇ ਮੁੱਖ ਅਧਿਆਪਕ ਗਗਨਦੀਪ ਸਿੰਘ ਵਲੋਂ ਇਸ ਪੂਰੇ ਸਮਾਗਮ ਦੀ ਦੇਖ ਰੇਖ ਕੀਤੀ ਗਈ | ਇਸ ਸਮੇਂ ਸ੍ਰੀ ਹਨੂਮਾਨ ਮੰਦਿਰ ਹਿੰਮਤਪੁਰਾ ਦੇ ਉੱਘੇ ਸੰਤ ਮਨਮੋਹਨ ਦਾਸ ਨੇ ਵਿਸ਼ੇਸ਼ ਤੌਰ 'ਤੇ ਇਸ ਸਮਾਗਮ ਵਿਚ ਸ਼ਿਰਕਤ ਕੀਤੀ | ਪਿੰਡ ਵਾਸੀਆਂ ਵਲੋਂ ਵਿਸ਼ਾਲ ਡੇਲੂ ਦੇ ਪਿਤਾ ਦਵਿੰਦਰ ਡੇਲੂ ਅਤੇ ਦਾਦਾ ਚੌਧਰੀ ਜਗਦੀਸ਼ ਚੰਦਰ ਡੇਲੂ ਦਾ ਧੰਨਵਾਦ ਕਰਦਿਆਂ ਉਨ੍ਹਾਂ ਨੂੰ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਸੇਜ ਦਾ ਸੰਚਾਲਨ ਪੰਜਾਬੀ ਅਧਿਆਪਕ ਅਸ਼ੋਕ ਕੁਮਾਰ ਨੇ ਬਾਖ਼ੂਬੀ ਨਿਭਾਇਆ | ਇਸ ਸਮੇਂ ਸੰਤ ਮਨਮੋਹਨ ਦਾਸ ਨੂੰ ਵੀ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ | ਪਿੰਡ ਦੇ ਸਰਪੰਚ ਸੁਸ਼ੀਲ ਕੁਮਾਰ ਕੜਵਾਸਰਾ ਨੇ ਸੰਬੋਧਨ ਕਰਦਿਆਂ ਜਿੱਥੇ ਇਸ ਬੱਚੇ ਦੇ ਮਾਪਿਆਂ, ਅਧਿਆਪਕਾਂ ਅਤੇ ਪਿੰਡ ਵਾਸੀਆਂ ਨੂੰ ਵਧਾਈ ਦਿੱਤੀ ਉੱਥੇ ਉਨ੍ਹਾਂ ਉਕਤ ਬੱਚੇ ਦੇ ਕੋਚ ਗੁਰਕਰਨਬੀਰ ਸਿੰਘ ਦਾ ਵੀ ਦਿਲੋਂ ਧੰਨਵਾਦ