ਅਬੋਹਰ, 17 ਜੁਲਾਈ (ਵਿਵੇਕ ਹੂੜੀਆ)-ਫਲਾਵਰ ਵੈਲੀ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਵਿਚ ਵਿਦਿਆਰਥੀਆਂ ਦੇ ਸ਼ਖ਼ਸੀਅਤ ਵਿਕਾਸ, ਲੀਡਰਸ਼ਿਪ ਹੁਨਰ ਤੇ ਜ਼ਿੰਮੇਵਾਰੀ ਦੀ ਭਾਵਨਾ ਨੂੰ ਮਜ਼ਬੂਤ ਕਰਨ ਦੇ ਉਦੇਸ਼ ਨਾਲ ਸੈਸ਼ਨ 2025-26 ਲਈ ਵਿਦਿਆਰਥੀ ਪ੍ਰੀਸ਼ਦ ਦਾ ਗਠਨ ਉਤਸ਼ਾਹ ਨਾਲ ਕੀਤਾ ਗਿਆ | ਸਕੂਲ ਮੈਨੇਜਰ ਮਨਜੀਤ ਕੌਰ ਪੋਪਲੀ, ਡਾਇਰੈਕਟਰ ਸਰਬਜੀਤ ਪੋਪਲੀ ਤੇ ਪਿ੍ੰਸੀਪਲ ਸ਼੍ਰੀਮਤੀ ਰੇਣੂ ਪੋਪਲੀ ਨੇ ਦੱਸਿਆ ਕਿ ਵਿਦਿਆਰਥੀ ਪ੍ਰੀਸ਼ਦ 'ਚ ਹਰਪ੍ਰੀਤ ਸਿੰਘ ਨੂੰ ਹੈੱਡ ਬੁਆਏ ਤੇ ਪਰਵਿੰਦਰ ਸਿੰਘ ਨੂੰ ਵਾਈਸ ਹੈੱਡ ਬੁਆਏ ਚੁਣਿਆ ਗਿਆ | ਇੰਦਰਜੋਤ ਕੌਰ ਨੂੰ ਹੈੱਡ ਗਰਲ ਤੇ ਸੁਖਮਨਜੋਤ ਕੌਰ ਨੂੰ ਵਾਈਸ ਹੈੱਡ ਗਰਲ ਚੁਣਿਆ ਗਿਆ | ਇਸ ਤੋਂ ਇਲਾਵਾ ਦਿਵਿਆ ਬਾਂਸਲ, ਕੋਮਲਦੀਪ ਕੌਰ, ਸਾਨੀਆ ਤੇ ਹਰਸ਼ਿਕਾ ਨੂੰ ਪ੍ਰਧਾਨ ਚੁਣਿਆ ਗਿਆ | ਸਿਮਰਨ, ਹਰਨੀਤ, ਪਿੰਕਾ, ਪ੍ਰਾਚੀ, ਸਨੇਹਾ, ਕਸ਼ਿਸ਼, ਗੋਰਿਕਾ ਤੇ ਜੰਨਤ ਨੂੰ ਮੀਤ ਪ੍ਰਧਾਨ ਦੀ ਜ਼ਿੰਮੇਵਾਰੀ ਦਿੱਤੀ ਗਈ | ਪੀਹੂ, ਮਹਿਕ, ਪ੍ਰਤਿਸ਼ਠਾ, ਰਿਆ, ਏਕਮਜੀਤ, ਲਕਸ਼ਤਾ, ਖ਼ੁਸ਼ਬੂ ਤੇ ਸ਼ੀਤਲ ਨੂੰ ਸਕੱਤਰ ਚੁਣਿਆ ਗਿਆ | ਅਨੁਸ਼ਾਸਨ ਕਮੇਟੀ 'ਚ ਲਕਸ਼ਿਆ, ਹੁਸਨਪ੍ਰੀਤ, ਹਰਸਿਮਰਨ, ਯਾਦਵਿੰਦਰ, ਅਰਸ਼ਦੀਪ, ਭਵਨ, ਹਰਨੂਰ, ਗੁਰਸੇਵਕ ਤੇ ਜੱਜਵੀਰ ਨੂੰ ਸ਼ਾਮਲ ਕੀਤਾ ਗਿਆ | ਸਹਿਜ ਦੀਪ, ਸੁਖਮਨਜੋਤ, ਗੁਰਨੀਤ ਕੌਰ, ਤਮੰਨਾ, ਅਭਿਸ਼ੇਕ, ਅੰਮਿ੍ਤਪਾਲ, ਹਰਜੋਤ ਸਿੰਘ, ਕੁਸ਼ਾਗਰਾ, ਪਿ੍ਯਾਂਸ਼ੂ, ਜੈ ਸਿੰਗਲਾ, ਅਸ਼ੀਸ਼ ਪਾਂਡੇ ਤੇ ਗੌਰਵ ਕਾਲਜ ਪ੍ਰਤੀਨਿਧੀ ਚੁਣੇ ਗਏ | ਇਸ ਮੌਕੇ ਸਕੂਲ ਦੇ ਵਿਹੜੇ 'ਚ ਇਕ ਸ਼ਾਨਦਾਰ ਸਹੁੰ ਚੁੱਕ ਸਮਾਗਮ ਕਰਵਾਇਆ ਗਿਆ | ਜਿਸ 'ਚ ਵਿਦਿਆਰਥੀਆਂ ਨੂੰ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕੀਤਾ ਗਿਆ | ਸਕੂਲ ਪ੍ਰਬੰਧਕ ਸ਼੍ਰੀਮਤੀ ਮਨਜੀਤ ਕੌਰ ਪੋਪਲੀ, ਡਾਇਰੈਕਟਰ ਸਰਬਜੀਤ ਪੋਪਲੀ ਤੇ ਪਿ੍ੰਸੀਪਲ ਸ਼੍ਰੀਮਤੀ ਰੇਣੂ ਪੋਪਲੀ ਨੇ ਚੁਣੇ ਗਏ ਮੈਂਬਰਾਂ ਨੂੰ ਬੈਜ ਲਗਾ ਕੇ ਸਨਮਾਨਿਤ ਕੀਤਾ ਅਤੇ ਉਨ੍ਹਾਂ ਨੂੰ ਸਹੁੰ ਚੁਕਾਈ |
