ਸੁਜਾਨਪੁਰ 19 ਜੁਲਾਈ (ਜਗਦੀਪ ਸਿੰਘ)-ਸੁਜਾਨਪੁਰ ਤੋਂ ਸ਼ਾਹਪੁਰ ਕੰਢੀ ਨੰੂ ਜਾਂਦੀ ਸੜਕ ਦਾ ਅੱਜ ਅਜੀਤ ਅਖ਼ਬਾਰ ਵਿਚ ਟੈਂਡਰ ਲੱਗਣ ਨਾਲ ਲੋਕਾਂ ਨੂੰ ਇਸ ਸੜਕ ਦੇ ਬਣਨ ਦੀ ਆਸ ਜਾਗੀ ਹੈ | ਪਿਛਲੇ ਲਗਪਗ 20 ਤੋਂ 25 ਸਾਲ ਇਸ ਸੜਕ ਦਾ ਕੋਈ ਵੀ ਕੰਮ ਨਹੀਂ ਹੋਇਆ ਅਤੇ ਇਸ ਸੜਕ ਨੇ ਇਕ ਖੱਡ ਦਾ ਰੂਪ ਧਾਰਿਆ ਹੋਇਆ ਹੈੇ, ਇਸ ਸੜਕ ਨਾਲ ਲੱਗਦੇ ਲਗਪਗ 20 ਤੋਂ 25 ਪਿੰਡਾਂ ਦੇ ਲੋਕ ਇਸ ਖੱਡਨੁਮਾ ਸੜਕ ਤੋਂ ਲੰਘ ਰਹੇ ਹਨ ਤੇ ਕਈ ਵਾਰ ਹਾਦਸਿਆਂ ਦਾ ਸ਼ਿਕਾਰ ਹੁੰਦੇ ਹਨ | ਹਲਕਾ ਵਿਧਾਇਕ ਨਰੇਸ਼ ਪੁਰੀ ਵਲੋਂ ਪਿਛਲੇ ਦਿਨੀਂ ਇਸ ਸੜਕ ਦਾ ਮੁੱਦਾ ਵਿਧਾਨ ਸਭਾ 'ਚ ਉਠਾਇਆ ਸੀ ਅਤੇ ਸਰਕਾਰ ਦੇ ਇਸ ਨਾਲ ਸਬੰਧਿਤ ਨੁਮਾਇੰਦਿਆਂ ਵਲੋਂ ਇਸ ਨੂੰ ਜਲਦੀ ਬਣਾਉਣ ਦਾ ਵਿਸ਼ਵਾਸ ਦਿੱਤਾ ਸੀ | ਲੋਕਾਂ ਨੂੰ ਹੁਣ ਇਸ ਸੜਕ ਦੇ ਬਣਨ ਦੀ ਆਸ ਜਾਗੀ ਹੈ | ਲੋਕ ਹਲਕਾ ਵਿਧਾਇਕ ਤੋਂ ਇਹ ਆਸ ਰੱਖਦੇ ਹਨ ਕਿ ਉਹ ਇਸ ਸੜਕ ਨੂੰ ਬਣਵਾਉਣ ਵਿਚ ਪੂਰੀ ਦਿਲਚਸਪੀ ਲੈਣ ਤਾਂ ਜੋ ਲੋਕ ਸੱੁਖ ਦਾ ਸਾਹ ਲੈ ਸਕਣ |
