ਜੀ. ਪੀ. ਐਸ. 'ਚ ਕਰਵਾਏ ਸਮਾਰੋਹ ਦੇ ਦੂਜੇ ਦਿਨ ਵੀ ਲੱਗੀਆਂ ਖ਼ੂਬ ਰੌਣਕਾਂ
ਅਜੀਤ ਡੈਸਕ
21-11-2025
ਉਹ ਆਪਣੇ ਸਬਰ, ਸੇਵਾ ਤੇ ਸਖ਼ਤ ਮਿਹਨਤ ਨਾਲ ਵਿਦਿਆਰਥੀਆਂ ਨੂੰ ਮੰਚ ਲਈ ਤਿਆਰ ਕਰਦੇ ਹਨ | ਉਨ੍ਹਾਂ ਨੇ ਸਕੂਲ ਦੇ ਅਨੁਸ਼ਾਸਨ, ਸਿੱਖਿਆ ਦੀ ਗੁਣਵੱਤਾ ਤੇ ਵਿਦਿਆਰਥੀਆਂ ਦੀ ਪ੍ਰਤਿਭਾ ਦੀ ਵੀ ਭਰਪੂਰ ਪ੍ਰਸੰਸਾ ਕੀਤੀ | ਇਸ ਮੌਕੇ ਪੰਜਾਬੀ ਨਾਚ ਦੀ ਚੁਸਤ ਲਹਿਰ, 'ਤਾਨਹਾ ਜੀ-ਸੂਰਵੀਰ' ਦੀ ਬਹਾਦਰੀ ਭਰੀ ਪੇਸ਼ਕਸ਼ ਵਕਤ ਦੀ ਆਵਾਜ਼ ਦਾ ਵਿਚਾਰਸ਼ੀਲ ਨਾਟਕ 'ਮੈਂ ਭਾਰਤ ਹਾਂ' ਦੀ ਰਾਸ਼ਟਰੀ ਭਾਵਨਾ ਨਾਲ ਭਰਪੂਰ ਦਿ੍ਸ਼ਟੀ ਤੇ ਇਸਤਰੀ ਸ਼ਕਤੀ ਦੇ ਸਸ਼ਕਤ ਸੰਦੇਸ਼ ਵਾਲੀ ਪ੍ਰਸਤੁਤੀ ਨੇ ਸਭ ਦਾ ਮਨ ਮੋਹ ਲਿਆ ਜਦ ਕਿ ਸਾਈਬਰ ਜਾਲ ਨੇ ਤਕਨੀਕੀ ਯੁੱਗ ਦੇ ਖ਼ਤਰਨਾਕ ਪੱਖਾਂ ਤੋਂ ਸੁਚੇਤ ਕੀਤਾ | ਡਾਂਡੀਆ ਰਾਸ ਨੇ ਹਾਲ ਵਿਚ ਜੋਸ਼ ਭਰੀ ਖੜਕਣ ਪੈਦਾ ਕੀਤੀ | ਇਸੇ ਤਰ੍ਹਾਂ ਕੱਥਕ, ਲੋਕ ਨਾਚ, ਰਾਗ-ਰਾਗਣੀਆਂ, ਸੰਗੀਤਕ ਪੇਸ਼ਕਾਰੀਆਂ, ਕਵਿਤਾ ਪਾਠ ਤੇ ਵਿਗਿਆਨਕ-ਸਮਾਜਿਕ ਵਿਸ਼ਿਆਂ 'ਤੇ ਆਧਾਰਿਤ ਕਲਾਤਮਿਕ ਪ੍ਰੋਗਰਾਮਾਂ ਨੇ ਵਿਦਿਆਰਥੀਆਂ ਦੀ ਬਹੁਪੱਖੀ ਪ੍ਰਤਿਭਾ ਨੂੰ ਸੁੰਦਰ ਢੰਗ ਨਾਲ ਦਰਸਾਇਆ | ਪ੍ਰੋਗਰਾਮ 'ਚ ਵਿਦਿਆਰਥੀਆਂ ਨੂੰ ਅਕਾਦਮਿਕ, ਖੇਡਾਂ, ਕਲਾ ਤੇ ਸੱਭਿਆਚਾਰਕ ਗਤੀਵਿਧੀਆਂ ਵਿਚ ਵਿਲੱਖਣ ਪ੍ਰਦਰਸ਼ਨ ਲਈ ਸਨਮਾਨਿਤ ਕੀਤਾ |
