ਜਗਰਾਉਂ, 6 ਨਵੰਬਰ (ਸ਼ਮਸ਼ੇਰ ਸਿੰਘ ਗਾਲਿਬ)-ਵੇਰਕਾ ਲੁਧਿਆਣਾ ਅਧੀਨ ਚੱਲ ਰਹੇ ਵੇਰਕਾ ਦੁੱਧ ਸ਼ੀਤਲ ਕੇਂਦਰ ਰਾਏਕੋਟ ਵਲੋਂ ਪਿੰਡ ਚੀਮਾ ਵਿਖੇ ਇਕ ਸਮਾਗਮ ਕਰਵਾ ਕੇ ਦੀ ਚੀਮਾ ਦੁੱਧ ਉਤਪਾਦਕ ਸਹਿਕਾਰੀ ਸਭਾ ਦਾ ਪਿਛਲੇ ਚਾਰ ਸਾਲਾਂ ਦਾ ਕੁੱਲ 8 ਲੱਖ ਰੁਪਏ ਦਾ ਮੁਨਾਫ਼ਾ ਵੰਡਿਆ ਗਿਆ | ਇਸ ਮੌਕੇ ਵੇਰਕਾ ਦੁੱਧ ਸ਼ੀਤਲ ਕੇਂਦਰ ਰਾਏਕੋਟ ਦੇ ਏਰੀਆ ਇੰਚਾਰਜ ਸ: ਕਮਲਪ੍ਰੀਤ ਸਿੰਘ ਸੋਢੀ ਨੇ ਸੰਬੋਧਨ ਕਰਦੇ ਆਖਿਆ ਕਿ ਸਾਨੂੰ ਵੇਰਕਾ ਸਭਾ ਨਾਲ ਜੁੜ ਕੇ ਵੱਧ ਤੋਂ ਵੱਧ ਮੁਨਾਫ਼ਾ ਕਮਾਉਣਾ ਚਾਹੀਦਾ ਹੈ | ਇਸ ਮੌਕੇ ਸ. ਜਤਿੰਦਰ ਸਿੰਘ ਐੱਮ.ਪੀ.ਏ. ਦੱਸਿਆ ਕਿ ਕਿਵੇਂ ਦੁੱਧ ਦਾ ਧੰਦਾ ਲਾਹੇਵੰਦ ਬਣਾਇਆ ਜਾ ਸਕਦਾ ਹੈ ਅਤੇ ਪਸ਼ੂ ਦੀ ਸਾਂਭ ਸੰਭਾਲ ਕਿਵੇਂ ਕਰਨੀ ਚਾਹੀਦੀ ਹੈ | ਇਸ ਮੌਕੇ ਪ੍ਰਧਾਨ ਮਨਜੀਤ ਕੌਰ, ਸੈਕਟਰੀ ਮਨਦੀਪ ਕੌਰ, ਇਕਬਾਲ ਸਿੰਘ, ਸੈਂਟਰ ਇੰਚਾਰਜ ਗੁਰਵਿੰਦਰ ਸਿੰਘ, ਰਛਪਾਲ ਸਿੰਘ ਐੱਮ.ਪੀ.ਏ., ਹਰਿੰਦਰ ਸਿੰਘ ਐੱਮ.ਪੀ.ਏ, ਕੁਲਦੀਪ ਸਿੰਘ ਐੱਮ.ਪੀ.ਏ, ਹਰਪ੍ਰੀਤ ਸਿੰਘ ਐੱਮ.ਪੀ.ਏ ਆਦਿ ਹਾਜ਼ਰ ਸਨ |