ਟਾਂਡਾ ਉੜਮੁੜ, 27 ਦਸੰਬਰ (ਦੀਪਕ ਬਹਿਲ)- ਮਾਰਕਿਟਿੰਗ ਸੁਸਾਇਟੀ ਟਾਂਡਾ ਦੇ ਬੋਰਡ ਆਫ ਡਾਇਰੈਕਟਰ ਦੀ ਅੱਜ ਇਕ ਅਹਿਮ ਇਕੱਤਰਤਾ ਹੋਈ ਜਿਸ ਵਿਚ ਸਰਬਸੰਮਤੀ ਨਾਲ ਇਲਾਕੇ ਦੇ ਸਿਰਕੱਡ ਆਗੂ ਸ. ਜਸਵੰਤ ਸਿੰਘ ਬਿੱਟੂ ਨੂੰ ਸਰਬਸੰਮਤੀ ਨਾਲ ਅੱਜ ਚੇਅਰਮੈਨ ਚੁਣਿਆ ਗਿਆ | ਟਾਂਡਾ ਦੇ ਦਫ਼ਤਰ ਵਿਖੇ ਹੋਈ ਇਸ ਚੋਣ ਸਬੰਧੀ ਜਿਥੇ ਸੁਸਾਇਟੀ ਦੇ ਕਰਮਚਾਰੀਆਂ ਵਲੋਂ ਅੱਜ ਦੀ ਚੋਣ ਸਬੰਧੀ ਜਨਤਕ ਪ੍ਰਕਾਸ਼ਨਾ ਮਗਰੋਂ ਇਸ ਚੋਣ ਦੀ ਕਾਰਵਾਈ ਨੂੰ ਅਧਿਕਾਰਤ ਤੌਰ 'ਤੇ ਪੂਰੀ ਕਰਦਿਆਂ ਜਿਥੇ ਆਪ ਦੇ ਸੀਨੀਅਰ ਨੇਤਾ ਤੇ ਸਰਪੰਚ ਜਲਾਲਪੁਰ ਜਸਵੰਤ ਸਿੰਘ ਬਿੱਟੂ ਨੂੰ ਜਿਥੇ ਚੇਅਰਮੈਨ ਚੁਣਿਆ ਗਿਆ ਉਥੇ ਕੁਲਵੀਰ ਸਿੰਘ ਨੂੰ ਵਾਇਸ ਚੇਅਰਮੈਨ ਤੇ ਗੁਰਮੀਤ ਸਿੰਘ, ਤਰਸੇਮ ਸਿੰਘ, ਗਗਨਦੀਪ ਸਿੰਘ, ਅਮਰਜੀਤ ਸਿੰਘ (ਸਾਰੇ ਡਾਇਰੈਕਟਰ) ਅਹੁਦੇਦਾਰ ਚੁਣੇ ਗਏ | ਬਿੱਟੂ ਦੇ ਮਾਰਕਿਟਿੰਗ ਸੁਸਾਇਟੀ ਦੇ ਚੇਅਰਮੈਨ ਚੁਣੇ ਜਾਣ 'ਤੇ ਜਿਥੇ ਹਲਕਾ ਵਿਧਾਇਕ ਸ. ਜਸਵੀਰ ਸਿੰਘ ਰਾਜਾ ਤੇ ਸਾਬਕਾ ਚੇਅਰਮੈਨ ਸ. ਬਿਕਰਮਜੀਤ ਸਿੰਘ ਲਾਲੀ ਨੇ ਭਰਵਾਂ ਸਵਾਗਤ ਕਰਦੇ ਹੋਏ ਬਿੱਟੂ ਦਾ ਮੂੰਹ ਮਿੱਠਾ ਕਰਵਾਇਆ | ਇਸ ਮੌਕੇ ਬਲਾਕ ਸੰਮਤੀ ਮੈਂਬਰ ਸ. ਲਖਵਿੰਦਰ ਸਿੰਘ ਸੇਠੀ ਤੇ ਆਪ ਦੇ ਹੋਰ ਆਗੂਆਂ ਨੇ ਨਵਨਿਯੁਕਤ ਚੇਅਰਮੈਨ ਸ. ਜਸਵੰਤ ਸਿੰਘ ਬਿੱਟੂ ਦਾ ਸਨਮਾਨ ਵੀ ਕੀਤਾ |
