ਜੰਮੂ-ਕਸ਼ਮੀਰ : ਸਾਂਝੇ ਆਪ੍ਰੇਸ਼ਨ ਦੌਰਾਨ ਇਕ ਸ਼ੱਕੀ ਕਾਬੂ, 2 ਹੈਂਡ ਗ੍ਰਨੇਡ ਬਰਾਮਦ

ਸ੍ਰੀਨਗਰ, 12 ਨਵੰਬਰ - ਨਵੀਂ ਦਿੱਲੀ, 12 ਨਵੰਬਰ - ਬਾਰਾਮੂਲਾ ਪੁਲਿਸ ਨੇ CICT Ftr BSF (112/06 ਬਟਾਲੀਅਨ), 2RR ਅਤੇ CRPF 176 ਬਟਾਲੀਅਨ ਦੇ ਨਾਲ ਇਕ ਸਾਂਝੇ ਆਪ੍ਰੇਸ਼ਨ ਦੌਰਾਨ, ਟੰਗਮਾਰਗ ਦੇ ਬਦਰਕੋਟ ਜੰਗਲੀ ਖੇਤਰ ਵਿਚੋਂ ਇਕ ਸ਼ੱਕੀ ਵਿਅਕਤੀ ਨੂੰ ਕਾਬੂ ਕੀਤਾ ਹੈ। ਇਸ ਵਿਅਕਤੀ ਦੀ ਪਛਾਣ ਬਦਰਕੋਟ, ਟੰਗਮਾਰਗ ਦੇ ਰਹਿਣ ਵਾਲੇ ਗੁਲਾਮ ਜੀਲਾਨੀ ਰੇਸ਼ੀ ਵਜੋਂ ਹੋਈ ਹੈ। ਉਸ ਕੋਲੋਂ ਇਕ ਹੈਂਡ ਗ੍ਰਨੇਡ ਬਰਾਮਦ ਕੀਤਾ ਗਿਆ ਅਤੇ ਉਸ ਵਲੋਂ ਦਿੱਤੀ ਗਈ ਜਾਣਕਾਰੀ ਦੇ ਆਧਾਰ 'ਤੇ, ਜੰਗਲ ਵਿਚੋਂ ਇਕ ਹੋਰ ਲੁਕਾ ਕੇ ਰੱਖਿਆ ਗਿਆ ਗ੍ਰਨੇਡ ਵੀ ਬਰਾਮਦ ਕੀਤਾ ਗਿਆ। ਮਾਮਲੇ ਦੀ ਅਗਲੇਰੀ ਜਾਂਚ ਚੱਲ ਰਹੀ ਹੈ।