ਨਵਾਂਸ਼ਹਿਰ ਦੇ ਪਿੰਡ ਫਰਾਲਾ ਵਿਖੇ ਦੁਸਹਿਰੇ ਦਾ ਪਵਿੱਤਰ ਤਿਉਹਾਰ ਧੂਮ ਧਾਮ ਨਾਲ ਮਨਾਇਆ

ਨਵਾਂਸ਼ਹਿਰ,  20 ਅਕਤੂਬਰ (ਪ੍ਰੇਮੀ ਸੰਧਵਾਂ)- ਨਵਾਂਸ਼ਹਿਰ ਦੇ ਪਿੰਡ ਫਰਾਲਾ ਵਿਖੇ ਸਰਬ ਧਰਮ ਮਹਾਂ ਸਭਾ ਫਰਾਲਾ  (ਰਜਿ ) ਵਲੋਂ ਨਗਰ ਪੰਚਾਇਤ, ਪ੍ਰਵਾਸੀ ਭਾਰਤੀ ਅਤੇ ਪਿੰਡ ਵਾਸੀਆ ਦੇ ਸਹਿਯੋਗ ਨਾਲ ਦੁਸਹਿਰੇ ਦਾ ਪਵਿੱਤਰ ਤਿਉਹਾਰ ਧੂਮ ਧਾਮ ਨਾਲ ਮਨਾਇਆ ਗਿਆ। ਦੁਸਹਿਰੇ ਵਿਚ ਸਜਾਈਆ ਗਈਆ ਸੁੰਦਰ ਝਾਕੀਆਂ ਨੇ ਹਾਜ਼ਰੀਨਾ ਦਾ ਮਨ ਮੋਹ ਲਿਆ।  ਬਲਵੀਰ ਸਿੰਘ ਬਾਲੀ ਅਟਵਾਲ, ਰਾਮ ਮੂਰਤੀ ਸ੍ਰੀਧਰ, ਜਨਾਬ ਇਕਬਾਲ ਮੁਹੰਮਦ, ਜਮੀਲ ਅਖਤਰ, ਰਾਜੂ ਲੰਬੜਦਾਰ, ਡਾਇਰੈਕਟਰ ਜਸਵਿੰਦਰ ਸਿੰਘ ਅਟਵਾਲ,
ਜਸਪ੍ਰੀਤ ਸਿੰਘ ਮਾਨ ਆਦਿ ਸੇਵਾਦਾਰਾਂ ਵਲੋਂ ਮੇਘਨਾਥ, ਕੁੰਭਕਰਨ ਅਤੇ ਰਾਵਣ ਦੇ ਪੁਤਲਿਆ ਨੂੰ ਅਗਨ ਭੇਟ ਕੀਤਾ ਗਿਆ ਤੇ ਪੁਤਲਿਆਂ ਵਿਚੋਂ ਨਿਕਲੀਆਂ ਰੰਗ ਬਿਰੰਗੀਆਂ ਲਾਈਟਾਂ ਦਾ ਦਰਸ਼ਕਾਂ ਨੇ ਖੂਬ ਆਨੰਦ ਮਾਣਿਆ।