ਦਿੱਲੀ - ਰਿਹਾਇਸ਼ੀ ਇਮਾਰਤ ਡਿੱਗਣ ਕਾਰਨ 7 ਜ਼ਖ਼ਮੀ

ਨਵੀਂ ਦਿੱਲੀ, 7 ਅਕਤੂਬਰ - ਅੱਜ ਦੁਪਹਿਰ ਨਵੀਂ ਸੀਮਾਪੁਰੀ ਦੇ ਈਦਗਾਹ ਮੱਛੀ ਮੰਡੀ ਨੇੜੇ ਇਕ ਰਿਹਾਇਸ਼ੀ ਇਮਾਰਤ ਡਿੱਗ ਪਈ।ਦਿੱਲੀ ਪੁਲਿਸ ਦੇ ਅਧਿਕਾਰੀ ਨੇ ਦੱਸਿਆ ਕਿ ਦਿੱਲੀ ਦੇ ਨਵੀਂ ਸੀਮਾਪੁਰੀ ਇਲਾਕੇ ਦੇ ਈ-ਬਲਾਕ ਵਿਚ ਸਥਿਤ ਇਮਾਰਤ ਨੰਬਰ ਈ-401 ਦੇ ਡਿੱਗਣ ਬਾਰੇ ਸੂਚਨਾ ਮਿਲੀ। ਲਗਭਗ 25 ਵਰਗ ਗਜ਼ ਦੇ ਪਲਾਟ 'ਤੇ ਬਣੀ ਇਹ ਇਮਾਰਤ ਡਿੱਗ ਪਈ, ਜਿਸ ਨਾਲ ਨਾਲ ਲੱਗਦੀਆਂ ਦੋ ਇਮਾਰਤਾਂ ਨੂੰ ਵੀ ਅੰਸ਼ਕ ਤੌਰ 'ਤੇ ਨੁਕਸਾਨ ਪਹੁੰਚਿਆ। ਪ੍ਰਭਾਵਿਤ ਖੇਤਰ ਵਿਚੋਂ 7 ਜ਼ਖ਼ਮੀ ਵਿਅਕਤੀਆਂ ਨੂੰ ਬਾਹਰ ਕੱਢਿਆ ਗਿਆ ਹੈ, ਜਿਨ੍ਹਾਂ ਵਿਚ ਲਗਭਗ 3 ਸਾਲ ਦੀ ਉਮਰ ਦਾ ਇਕ ਬੱਚਾ ਵੀ ਸ਼ਾਮਿਲ ਹੈ। ਪੁਲਿਸ ਵਲੋਂ ਬਚਾਅ ਅਤੇ ਰਾਹਤ ਕਾਰਜ ਜਾਰੀ ਹਨ।