ਸ਼ੱਕੀ ਹਾਲਤ ਚ ਚਾਰ ਮੱਝਾਂ ਦੀ ਮੌਤ

ਨਡਾਲਾ (ਕਪੂਰਥਲਾ), 4 ਅਕਤੂਬਰ (ਰਘਬਿੰਦਰ ਸਿੰਘ) —  ਅੱਜ ਤੜਕਸਰ ਨੇੜਲੇ ਪਿੰਡ ਦੌਲਤਪੁਰ ਵਿਖੇ ਇਕ ਹਵੇਲੀ ਵਿਚ ਬੰਨ੍ਹੀਆਂ ਚਾਰ ਮੱਝਾਂ ਦੀ ਸ਼ੱਕੀ ਹਾਲਾਤਾਂ ਵਿਚ ਮੌਤ ਹੋ ਗਈ। ਪਸ਼ੂ ਮਾਲਕ ਮਨਦੀਪ ਸਿੰਘ ਪੁੱਤਰ ਬਲਵੀਰ ਸਿੰਘ ਨੇ ਦੱਸਿਆ ਕਿ ਉਹ ਸਵੇਰੇ ਕਰੀਬ 6 ਵਜੇ ਹਵੇਲੀ ਪਹੁੰਚਿਆ ਤਾਂ ਚਾਰ ਮੱਝਾਂ ਮਰੀਆਂ ਪਈਆਂ ਸਨ। ਉਸਨੇ ਸ਼ੱਕ ਜ਼ਾਹਰ ਕੀਤਾ ਕਿ ਕਿਸੇ ਵਲੋਂ ਮੱਝਾਂ ਨੂੰ ਕੋਈ ਜ਼ਹਿਰੀਲੀ ਵਸਤੂ ਦਿੱਤੀ ਗਈ ਹੈ। ਮ੍ਰਿਤਕ ਮੱਝਾਂ ਵਿਚੋਂ ਇਕ ਹਾਲ ਹੀ ਵਿੱਚ ਸੂਈ ਸੀ, ਜਦਕਿ ਤਿੰਨ ਸੂਣ ਵਾਲੀਆਂ ਸਨ। ਘਟਨਾ ਦੀ ਸੂਚਨਾ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ। ਪਸ਼ੂ ਮਾਲਕ ਨੇ ਮਾਮਲੇ ਦੀ ਜਾਂਚ ਕਰਕੇ ਇਨਸਾਫ਼ ਦੀ ਮੰਗ ਕੀਤੀ ਹੈ।