ਗਗਨ ਚੌਕ ਰਾਜਪੁਰਾ ਵਿਖੇ ਆਵਾਜਾਈ ਕੀਤੀ ਠੱਪ ਬੰਦ ਨੂੰ ਮਿਲਿਆ ਪੂਰਨ ਹੁੰਗਾਰਾ

ਰਾਜਪੁਰਾ, 21 ਅਗਸਤ (ਰਣਜੀਤ ਸਿੰਘ)- ਰਾਜਪੁਰਾ  ਵਿਖੇ ਕੌਮੀ ਇਨਸਾਫ ਮੋਰਚਾ ਦੀ ਸੱਦੇ ਤੇ ਰਾਜਪੁਰਾ ਪੂਰਨ ਰੂਪ ਵਿੱਚ ਬੰਦ ਪਿਆ ਹੈ ਅਤੇ ਗਗਨ ਚੌਕ ਵਿਖੇ ਆਵਾਜਾਈ ਪੂਰਨ ਤੌਰ ਤੇ ਠੱਪ ਕੀਤੀ ਹੋਈ ਹੈ ਇਸ ਚੌਂਕ ਦੇ ਵਿੱਚ ਚਾਰੇ ਪਾਸੇ ਜੇਬੀਸੀ ਮਸ਼ੀਨਾਂ ਲਾ ਕੇ ਆਵਾਜਾਈ ਨੂੰ ਲੰਘਣ ਤੇ ਪੂਰਨ ਰੋਕ ਹੈ  ਐਮਰਜਸੀ ਸੇਵਾਵਾਂ ਅਤੇ ਐਂਬੂਲੈਂਸਾਂ ਤੋਂ ਬਿਨਾਂ ਕਿਸੇ ਵੀ ਵਹੀਕਲ ਨੂੰ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾ ਰਹੀ ਰਾਜਪੁਰਾ ਵਿਖੇ ਕੌਮੀ ਇਨਸਾਫ ਮੋਰਚਾ ਦੇ ਆਗੂ ਜਸਵਿੰਦਰ ਸਿੰਘ ਰਾਜਪੁਰਾ ਬਾਬਾ ਬਰਜਿੰਦਰ ਸਿੰਘ ਪਰਵਾਨਾ ਸ਼੍ਰੋਮਣੀ ਕਮੇਟੀ ਮੈਂਬਰ ਜਥੇਦਾਰ ਸੁਰਜੀਤ ਸਿੰਘ ਗੜੀ ਭਾਰਤੀ ਕਿਸਾਨ ਯੂਨੀਅਨ ਦੇ ਆਗੂ ਮਾਨ ਸਿੰਘ ਰਾਜਪੁਰਾ ਜਗਦੀਪ ਸਿੰਘ ਅਲੂਣਾ ਸਮੇਤ ਹੋਰ ਆਗੂ ਗਗਨ ਚੌਕ ਵਿਖੇ ਹਾਜਰ ਸਨ ਉਹਨਾਂ ਨੇ ਜਿੱਥੇ ਕੇਂਦਰ ਸਰਕਾਰ ਅਤੇ ਪੰਜਾਬ ਸਰਕਾਰ ਦੇ ਪ੍ਰਤੀ ਉਗਲ ਚੁੱਕੀ ਉੱਥੇ ਹੀ ਪੰਜਾਬ ਦੇ ਸਮੂਹ ਦੁਕਾਨਦਾਰਾਂ ਦਾ ਹਿੰਦੂ ਭਰਾਵਾਂ ਦਾ ਅਤੇ ਹੋਰ ਜਥੇਬੰਦੀਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ ਜਿਨਾਂ ਨੇ ਅੱਜ ਦੇ ਬੰਦ ਨੂੰ ਪੂਰਨ ਸਹਿਯੋਗ ਦਿੱਤਾ ਹੈ ਰਾਜਪੁਰਾ ਵਿਖੇ ਬੈਂਕਾਂ ਨੂੰ ਵੀ ਖੋਲਣ ਦੀ ਇਜਾਜ਼ਤ ਨਹੀਂ ਸੀ ਦਿੱਤੀ ਗਈ