ਬਿਆਸ ਮਾਰਕੀਟ ਮੁਕੰਮਲ ਤੌਰ ’ਤੇ ਬੰਦ

ਬਿਆਸ, (ਅੰਮ੍ਰਿਤਸਰ), 21 ਅਗਸਤ (ਨਰਿੰਦਰ ਸਿੰਘ)- ਬਿਆਸ ਵਾਸੀਆਂ ਵਲੋਂ ਬਾਜ਼ਾਰ ਵਿਚ ਦੁਕਾਨਾਂ ਮੁਕੰਮਲ ਤੌਰ ’ਤੇ ਬੰਦ ਰੱਖੀਆਂ ਗਈਆਂ ਹਨ। ਬੱਸਾਂ ਵੀ ਪੂਰਨ ਤੌਰ ’ਤੇ ਬੰਦ ਹਨ। ਕੋਈ ਵੀ ਸਰਕਾਰੀ ਬੱਸ ਜਾਂ ਪ੍ਰਾਈਵੇਟ ਬੱਸ ਨਜ਼ਰ ਨਹੀਂ ਆਈ । ਸਵਾਰੀਆਂ ਨੂੰ ਪਰੇਸ਼ਾਨੀ ਆ ਰਹੀ ਹੈ, ਹਾਲਾਂਕਿ ਬੰਦ ਦਾ ਪਹਿਲਾਂ ਤੋਂ ਹੀ ਇਨ੍ਹਾਂ ਸਵਾਰੀਆਂ ਨੂੰ ਪਤਾ ਸੀ। ਰੇਲਗੱਡੀਆਂ ਦੀ ਆਵਾਜਾਈ ਬਿਆਸ ਸਟੇਸ਼ਨ ’ਤੇ ਚੱਲ ਰਹੀ ਹੈ। ਆਟੋ ਵਾਲੇ ਨਜ਼ਦੀਕੀ ਪਿੰਡਾਂ ਦੀਆਂ ਸਵਾਰੀਆਂ ਨੂੰ ਛੱਡ ਕੇ ਆ ਰਹੇ ਹਨ।