ਅਸਾਮ ’ਚ 80 ਕਰੋੜ ਦੀ ਹੈਰੋਇਨ ਸਮੇਤ ਪੰਜਾਬ ਦਾ ਸ਼ੱਕੀ ਡਰੱਗ ਡੀਲਰ ਗ੍ਰਿਫ਼ਤਾਰ

ਗੁਹਾਟੀ, 14 ਅਗਸਤ (ਪੀ.ਟੀ.ਆਈ.)-ਮੁੱਖ ਮੰਤਰੀ ਹਿਮੰਤ ਬਿਸਵਾ ਸਰਮਾ ਨੇ ਕਿਹਾ ਕਿ ਸ਼ੁੱਕਰਵਾਰ ਨੂੰ ਗੁਹਾਟੀ ਵਿੱਚ ਇੱਕ ਅੰਤਰ-ਰਾਜੀ ਡਰੱਗ ਡੀਲਰ ਨੂੰ 80 ਕਰੋੜ ਰੁਪਏ ਦੀ ਹੈਰੋਇਨ ਸਮੇਤ ਗ੍ਰਿਫਤਾਰ ਕੀਤਾ ਗਿਆ ਹੈ।ਇਹ ਕਾਰਵਾਈ ਅਸਾਮ ਪੁਲਿਸ ਦੀ ਸਪੈਸ਼ਲ ਟਾਸਕ ਫੋਰਸ (ਐੱਸ ਟੀ ਐੱਫ) ਵਲੋਂ ਕੀਤੀ ਗਈ ਸੀ।ਇੱਕ ਐੱਸ.ਟੀ.ਐੱਫ. ਅਧਿਕਾਰੀ ਨੇ ਕਿਹਾ ਕਿ ਇਹ ਛਾਪਾ ਇੱਕ ਡਰੱਗ ਡੀਲ ਬਾਰੇ ਖਾਸ ਜਾਣਕਾਰੀ ਦੇ ਆਧਾਰ ‘ਤੇ ਕੀਤਾ ਗਿਆ ਸੀ।ਉਸਨੇ ਕਿਹਾ ਕਿ ਸਾਨੂੰ ਜਾਣਕਾਰੀ ਮਿਲੀ ਸੀ ਕਿ ਪੰਜਾਬ ਦਾ ਇਹ ਡੀਲਰ ਇੱਕ ਖੇਪ ਪ੍ਰਾਪਤ ਕਰਨ ਲਈ ਗੁਹਾਟੀ ਵਿੱਚ ਰਹਿ ਰਿਹਾ ਸੀ। ਇਸ ਦੇ ਆਧਾਰ ‘ਤੇ, ਅਸੀਂ ਛਾਪਾ ਮਾਰਿਆ।”ਉਸਨੇ ਕਿਹਾ ਕਿ ਦੋਸ਼ੀ ਨੂੰ ਖੇਪ ਮਨੀਪੁਰ ਤੋਂ ਮਿਲੀ ਸੀ, ਜਿਸਨੂੰ ਐੱਸ.ਟੀ.ਐੱਫ. ਨੇ ਉਸ ਅਪਾਰਟਮੈਂਟ ਵਿੱਚ ਇੱਕ ਬੈਗ ਤੋਂ ਬਰਾਮਦ ਕੀਤਾ ਜਿੱਥੇ ਉਹ ਰਹਿ ਰਿਹਾ ਸੀ।ਉਨ੍ਹਾਂ ਅੱਗੇ ਕਿਹਾ, “ਅਸੀਂ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।”