ਜ਼ਿੰਬਾਬਵੇ ਦੀ ਝੀਲ ’ਚ ਕਿਸ਼ਤੀ ਪਲਟਣ ਨਾਲ ਮੌਤਾਂ ਦੀ ਗਿਣਤੀ 44 ਤੱਕ ਪੁੱਜੀ

ਹਰਾਰੇ (ਜ਼ਿੰਬਾਬਵੇ), 12 ਅਗਸਤ (ਏਜੰਸੀ)-ਜ਼ਿੰਬਾਬਵੇ ਦੀ ਕਰੀਬਾ ਝੀਲ ਵਿਚ ਇਕ ਕਿਸ਼ਤੀ ਦੇ ਪਲਟ ਜਾਣ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 44 ਤੱਕ ਪੁੱਜ ਗਈ ਹੈ। ਪੁਲਿਸ ਨੇ ‘ਐਕਸ’ ’ਤੇ ਦੱਸਿਆ ਕਿ ਝੀਲ ’ਚੋਂ 44 ਲਾਸ਼ਾਂ ਕੱਢੀਆਂ ਗਈਆਂ ਹਨ। ਇਹ ਝੀਲ ਜ਼ਿੰਬਾਬਵੇ ਤੇ ਜ਼ਾਮੀਬੀਆ ਵਿਚਾਲੇ ਹੱਦ ਦਾ ਇਕ ਹਿੱਸਾ ਹੈ। ਪਰ ਪੁਲਿਸ ਨੇ ਇਹ ਜਾਣਕਾਰੀ ਨਹੀਂ ਦਿੱਤੀ ਕਿ ਮੰਗਲਵਾਰ ਨੂੰ ਹੋਏ ਇਸ ਹਾਦਸੇ ’ਚ ਕਿੰਨੇ ਲੋਕ ਲਾਪਤਾ ਹੋਏ ਹਨ ਜਾਂ ਕਿੰਨੇ ਜ਼ਖਮੀ ਹੋਏ ਹਨ। ਜ਼ਿੰਬਾਬਵੇ ਦੀ ਰਾਹਤ ਪ੍ਰਬੰਧਨ ਏਜੰਸੀ ਅਨੁਸਾਰ ਕਿਸ਼ਤੀ ’ਚ ਕਰੀਬ 114 ਯਾਤਰੀ ਤੇ 5 ਅਮਲੇ ਦੇ ਮੈਂਬਰ ਸਵਾਰ ਸਨ। ਅਧਿਕਾਰੀਆਂ ਅਨੁਸਾਰ ਕਿਸ਼ਤੀ ਦੀ ਸਮਰਥਾ 90 ਲੋਕਾਂ ਨੂੰ ਲਿਜਾਣ ਦੀ ਸੀ।