ਕਾਠਮੰਡੂ, 3 ਜਨਵਰੀ- ਨਿਪਾਲ ਵਿਖੇ ਬੀਤੀ ਸ਼ਾਮ ਇਕ ਵੱਡਾ ਹਾਦਸਾ ਹੋਣ ਤੋਂ ਟਲ ਗਿਆ। ਭੱਦਰਪੁਰ ਹਵਾਈ ਅੱਡੇ 'ਤੇ ਲੈਂਡਿੰਗ ਕਰਦੇ ਸਮੇਂ ਬੁੱਧ ਏਅਰ ਦਾ ਇਕ ਜਹਾਜ਼ ਰਨਵੇਅ ਤੋਂ ਫਿਸਲ ਗਿਆ ਅਤੇ ਲਗਭਗ 200 ਮੀਟਰ ਦੂਰ ਘਾਹ ਵਾਲੇ ਖੇਤਰ ਵਿਚ ਜਾ ਡਿੱਗਿਆ। ਰਾਹਤ ਦੀ ਗੱਲ ਹੈ ਕਿ ਜਹਾਜ਼ ਵਿਚ ਸਵਾਰ ਸਾਰੇ 51 ਯਾਤਰੀ ਅਤੇ ਚਾਰ ਚਾਲਕ ਦਲ ਦੇ ਮੈਂਬਰ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ। ਰਿਪੋਰਟਾਂ ਅਨੁਸਾਰ ਨੇੜੇ ਹੀ ਇਕ ਨਦੀ ਸੀ ਤੇ ਜੇਕਰ ਜਹਾਜ਼ ਨਾ ਰੁਕਦਾ ਤਾਂ ਇਕ ਵੱਡਾ ਹਾਦਸਾ ਹੋ ਸਕਦਾ ਸੀ। ਜਹਾਜ਼ ਕਾਠਮੰਡੂ ਤੋਂ ਉਡਾਣ ਭਰ ਰਿਹਾ ਸੀ।
ਬੁੱਧ ਏਅਰ ਫਲਾਈਟ 901 ਰਾਤ 8:23 ਵਜੇ ਕਾਠਮੰਡੂ ਤੋਂ ਰਵਾਨਾ ਹੋਈ। ਪਾਇਲਟ ਕੈਪਟਨ ਸ਼ੈਲੇਸ਼ ਲਿੰਬੂ ਸੀ। ਜਹਾਜ਼ ਭੱਦਰਪੁਰ ਹਵਾਈ ਅੱਡੇ 'ਤੇ ਰਾਤ 9:08 ਵਜੇ ਦੇ ਕਰੀਬ ਉਤਰਿਆ। ਲੈਂਡਿੰਗ ਦੌਰਾਨ ਜਹਾਜ਼ ਸੰਤੁਲਨ ਗੁਆ ਬੈਠਾ ਤੇ ਰਨਵੇਅ ਪਾਰ ਕਰ ਗਿਆ ਘਾਹ ਵਾਲੇ ਖੇਤਰ ਵਿਚ ਡਿੱਗ ਗਿਆ। ਮੀਡੀਆ ਰਿਪੋਰਟਾਂ ਅਨੁਸਾਰ ਜਹਾਜ਼ ਦੇ ਰਨਵੇਅ ਤੋਂ ਨਿਕਲਣ 'ਤੇ ਯਾਤਰੀਆਂ ਵਿੱਚ ਕੁਝ ਘਬਰਾਹਟ ਸੀ, ਪਰ ਪਾਇਲਟ ਦੀ ਸਾਵਧਾਨੀ ਕਾਰਨ ਕੋਈ ਗੰਭੀਰ ਸੱਟਾਂ ਨਹੀਂ ਲੱਗੀਆਂ। ਸਾਰੇ ਯਾਤਰੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਜਹਾਜ਼ ਨੂੰ ਮਾਮੂਲੀ ਨੁਕਸਾਨ ਹੋਇਆ ਹੈ, ਪਰ ਸਾਰੇ ਯਾਤਰੀ ਸੁਰੱਖਿਅਤ ਹਨ।
