ਹੜ੍ਹ ਪ੍ਰਭਾਵਿਤ ਖੇਤਰ 'ਚ ਐਸ.ਐਸ.ਪੀ. ਮਨਿੰਦਰ ਸਿੰਘ ਦੀ ਅਗਵਾਈ ਹੇਠ ਹੈਲੀਕਾਪਟਰ ਰਾਹੀਂ ਰਾਹਤ ਸਮੱਗਰੀ ਪਹੁੰਚਾਈ

ਅਜਨਾਲਾ, 29 ਅਗਸਤ (ਗੁਰਪ੍ਰੀਤ ਸਿੰਘ ਢਿਲੋਂ)-ਅੱਜ ਜ਼ਿਲ੍ਹਾ ਪੁਲਿਸ ਮੁਖੀ ਸ. ਮਨਿੰਦਰ ਸਿੰਘ ਦੀ ਅਗਵਾਈ ਹੇਠ ਕੰਮ ਕਰ ਰਹੀਆਂ ਪੁਲਿਸ ਅਤੇ ਫੌਜ ਦੀਆਂ ਟੀਮਾਂ ਵਲੋਂ ਹੇਠ ਲਿਖੇ ਪਿੰਡਾਂ ਵਿਚ ਹੈਲੀਕਾਪਟਰ ਰਾਹੀਂ ਫੂਡ ਦੇ ਪੈਕੇਟਾਂ ਦੀ ਵੰਡ ਵੀ ਕੀਤੀ ਗਈ। ਵੇਰਵਿਆਂ ਅਨੁਸਾਰ ਹੈਲੀਕਾਪਟਰ ਰਾਹੀਂ ਰਮਦਾਸ ਨੇੜਲੇ ਪਿੰਡ ਘੋਹਨੇਵਾਲਾ, ਮਾਛੀਵਾਹਲਾ, ਸ਼ਹਿਜ਼ਾਦਾ, ਜੱਟਾ, ਪਛੀਆ, ਤਲਾਬਪੁਰਾ, ਨਿਸ਼ੋਕੇ, ਸਿੰਗੋਕੇ, ਗਗੜ, ਨੰਗਲ ਸੋਹਲ ਅਤੇ ਆਬਾਦੀ ਚੰਡੀਗੜ੍ਹ ਆਦਿ ਪਿੰਡਾਂ ਵਿਚ ਖਾਣ-ਪੀਣ ਦਾ ਸਾਮਾਨ ਪਹੁੰਚਾਇਆ ਗਿਆ।