ਵਿਰੋਧ ਮੈਂਬਰਾਂ ਦਾ ਅਧਿਕਾਰ ਹੈ, ਪਰ ਉਹ ਦੇਸ਼ ਦੇ ਕੰਮਕਾਜ ਵਿਚ ਰੁਕਾਵਟ ਨਹੀਂ ਪਾ ਸਕਦੇ - ਕਿਰਨ ਰਿਜਿਜੂ

ਨਵੀਂ ਦਿੱਲੀ, 24 ਅਗਸਤ - ਆਲ ਇੰਡੀਆ ਸਪੀਕਰਜ਼ ਕਾਨਫ਼ਰੰਸ ਵਿਚ, ਕੇਂਦਰੀ ਸੰਸਦੀ ਮਾਮਲਿਆਂ ਦੇ ਮੰਤਰੀ ਕਿਰਨ ਰਿਜਿਜੂ ਨੇ ਕਿਹਾ, "ਸੰਸਦੀ ਲੋਕਤੰਤਰ ਵਿਚ, ਸੰਸਦ ਅਤੇ ਵਿਧਾਨ ਸਭਾਵਾਂ ਕੇਂਦਰ ਬਿੰਦੂ ਹੁੰਦੀਆਂ ਹਨ... ਜੇਕਰ ਸੰਸਦ ਅਤੇ ਵਿਧਾਨ ਸਭਾ ਸਹੀ ਢੰਗ ਨਾਲ ਕੰਮ ਨਹੀਂ ਕਰਦੀਆਂ, ਤਾਂ ਲੋਕਤੰਤਰ 'ਤੇ ਸਵਾਲ ਉੱਠਣਗੇ।
ਸੰਸਦ ਅਤੇ ਵਿਧਾਨ ਸਭਾ ਦਾ ਕੰਮਕਾਜ, ਅਤੇ ਉਹ ਵੀ ਜੀਵੰਤ ਢੰਗ ਨਾਲ, ਬਹੁਤ ਮਹੱਤਵਪੂਰਨ ਹੈ... ਜੇਕਰ ਸੰਸਦ ਵਿਚ ਕੋਈ ਟਕਰਾਅ ਨਹੀਂ ਹੈ, ਤਾਂ ਇਹ ਕਿੱਥੇ ਹੋਵੇਗਾ? ਇੰਨੇ ਸਾਰੇ ਵੱਖ-ਵੱਖ ਸੋਚ ਵਾਲੇ ਲੋਕ ਇਕੱਠੇ ਹੋ ਗਏ ਹਨ, ਅਤੇ ਟਕਰਾਅ ਹੋਣਾ ਲਾਜ਼ਮੀ ਹੈ। ਇਸ ਦਾ ਮਤਲਬ ਇਹ ਨਹੀਂ ਹੈ ਕਿ ਉਹ ਕੰਮਕਾਜ ਵਿਚ ਰੁਕਾਵਟ ਪਾਉਣਗੇ। ਮੈਂ ਕੱਲ੍ਹ ਕਿਹਾ ਸੀ ਕਿ ਵਿਰੋਧ ਅਤੇ ਰੁਕਾਵਟ ਵਿਚ ਅੰਤਰ ਹੈ। ਵਿਰੋਧ ਮੈਂਬਰਾਂ ਦਾ ਅਧਿਕਾਰ ਹੈ ਪਰ ਉਹ ਦੇਸ਼ ਦੇ ਕੰਮਕਾਜ ਵਿਚ ਰੁਕਾਵਟ ਨਹੀਂ ਪਾ ਸਕਦੇ..."।