ਕਾਰ ਤੇ ਬਲੈਰੋ ਪਿੱਕਅਪ ਗੱਡੀ ਦੀ ਸਿੱਧੀ ਟੱਕਰ, ਇਕ ਔਰਤ ਦੀ ਮੌਤ, 3 ਜ਼ਖਮੀ

ਮਾਹਿਲਪੁਰ, (ਹੁਸ਼ਿਆਰਪੁਰ), 11 ਸਤੰਬਰ (ਰਜਿੰਦਰ ਸਿੰਘ)- ਅੱਜ ਸਵੇਰੇ 8.30 ਵਜੇ ਮਾਹਿਲਪੁਰ-ਹੁਸ਼ਿਆਰਪੁਰ ਰੋਡ ’ਤੇ ਪਿੰਡ ਬਾਹੋਵਾਲ ਕੋਲ ਕਾਰ ਤੇ ਬਲੈਰੋ ਪਿੱਕਅਪ ਗੱਡੀ ਦੀ ਭਿਆਨਕ ਸਿੱਧੀ ਟੱਕਰ ਹੋਣ ’ਤੇ ਸਵਿਫਟ ਕਾਰ ’ਚ ਸਵਾਰ ਇਕ ਔਰਤ ਦੀ ਮੌਕੇ ’ਤੇ ਮੌਤ ਹੋ ਗਈ ਜਦ ਕਿ ਪਿੱਕਅਪ ਗੱਡੀ ਚਾਲਕ ਤੇ ਉਸ ਦੇ ਇਕ ਸਾਥੀ ਸਮੇਤ ਤਿੰਨ ਗੰਭੀਰ ਜ਼ਖਮੀ ਹੋ ਗਏ।

ਮੌਕੇ ’ਤੇ ਪਹੁੰਚੇ ਸੜਕ ਸੁਰੱਖਿਆਂ ਫੋਰਸ ਵਲੋਂ ਜ਼ਖਮੀਆਂ ਨੂੰ ਸਿਵਲ ਹਸਪਤਾਲ ਮਾਹਿਲਪਰ ਵਿਖੇ ਦਾਖਲ ਕਰਵਾਇਆ ਗਿਆ, ਜਿਥੇ ਕਾਰ ਚਾਲਕ ਦੀ ਹਾਲਤ ਜ਼ਿਆਦਾ ਗੰਭੀਰ ਹਣ ਕਰਕੇ ਹੁਸ਼ਿਆਰਪੁਰ ਦੇ ਕਿਸੇ ਨਿੱਜੀ ਹਸਪਤਾਲ ਵਿਖੇ ਭੇਜਿਆ ਗਿਆ। ਥਾਣਾ ਚੱਬੇਵਾਲ ਦੀ ਪੁਲਿਸ ਨੇ ਮੌਕੇ ’ਤੇ ਪਹੁੰਚ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਕਾਰ ’ਚ ਸਵਾਰ ਪਤੀ-ਪਤਨੀ ਜ਼ੀਰਕਪੁਰ (ਚੰਡੀਗੜ) ਤੋਂ ਬਟਾਲਾ ਕਿਸੇ ਰਿਸ਼ਤੇਦਾਰੀ ’ਚ ਜਾ ਰਹੇ ਸਨ ਜਦ ਕਿ ਬਲੈਰੋ ਪਿੱਕਅਪ ਗੱਡੀ ਵਾਲੇ ਜਿਹੜੇ ਕਿ ਹਸਪਤਾਲਾਂ ’ਚੋ ਬਾਇਓਮੈਡੀਕਲ ਵੇਸਟ ਚੁੱਕਣ ਦਾ ਕੰਮ ਕਰਦੇ ਹਨ, ਹੁਸ਼ਿਆਰਪੁਰ ਤੋਂ ਮਾਹਿਲਪੁਰ ਨੂੰ ਆ ਰਹੇ ਸਨ।