ਸੁਭਾਨਪੁਰ ਦੇ ਨਜ਼ਦੀਕੀ ਪਿੰਡ ਬੂਟ ਦੇ ਘਰਾਂ ਵਿਚੋਂ ਮਿਲੇ ਮਿਜ਼ਾਇਲ ਦੇ ਤਿੰਨ ਟੁਕੜੇ

ਸੁਭਾਨਪੁਰ, (ਕਪੂਰਥਲਾ), 10 ਮਈ (ਸਤਨਾਮ ਸਿੰਘ)- ਭਾਰਤ - ਪਾਕਿ ’ਚ ਵੱਧਦੇ ਤਣਾਅ ਦੇ ਕਾਰਨ ਹੋ ਰਹੇ ਹਮਲਿਆਂ ਕਾਰਨ ਸੁਭਾਨਪੁਰ ਦੇ ਨਜ਼ਦੀਕੀ ਪਿੰਡ ਬੂਟ ਵਿਖੇ ਤਿੰਨਾਂ ਘਰਾਂ ਵਿਚੋਂ ਮਿਜ਼ਾਇਲ ਦੇ ਹਿੱਸੇ ਵਰਗੇ ਤਿੰਨ ਟੁਕੜੇ ਮਿਲਣ ਕਾਰਨ ਪੂਰੇ ਪਿੰਡ ਤੇ ਇਲਾਕੇ ਦੇ ਲੋਕਾਂ ਵਿਚ ਸਹਿਮ ਪਾਇਆ ਜਾ ਰਿਹਾ ਹੈ। ਇਸ ਮੌਕੇ ਚੌਂਕੀ ਬਾਦਸ਼ਾਹਪੁਰ ਦੀ ਪੁਲਿਸ ਦੇ ਮੁਲਾਜ਼ਮ ਬਿਕਰਮਜੀਤ ਸਿੰਘ ਸਮੇਤ ਪੁਲਿਸ ਪਾਰਟੀ ਨੇ ਮੌਕੇ ’ਤੇ ਜਾ ਕੇ ਤਿੰਨਾਂ ਟੁਕੜਿਆਂ ਨੂੰ ਆਪਣੇ ਕਬਜ਼ੇ ਵਿਚ ਲੈ ਲਿਆ ਤੇ ਉਨ੍ਹਾਂ ਦੱਸਿਆ ਕੇ ਟੁਕੜੇ ਡਿੱਗਣ ਨਾਲ ਕੋਈ ਵੀ ਜਾਨੀ ਮਾਲੀ ਨੁਕਸਾਨ ਨਹੀਂ ਹੋਇਆ ਹੈ।