ਮਹਾਂਕੁੰਭ ’ਚ ਗਏ ਨੌਜਵਾਨ ਪ੍ਰਧਾਨ ਮੰਤਰੀ ਤੋਂ ਚਾਹੁੰਦੇ ਹਨ ਰੁਜ਼ਗਾਰ- ਰਾਹੁਲ ਗਾਂਧੀ

ਨਵੀਂ ਦਿੱਲੀ, 18 ਮਾਰਚ- ਮਹਾਕੁੰਭ ’ਤੇ ਲੋਕ ਸਭਾ ਵਿਚ ਪ੍ਰਧਾਨ ਮੰਤਰੀ ਮੋਦੀ ਦੇ ਸੰਬੋਧਨ ’ਤੇ ਲੋਕ ਸਭਾ ਦੇ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨੇ ਕਿਹਾ ਕਿ ਅਸੀਂ ਪ੍ਰਧਾਨ ਮੰਤਰੀ ਦੇ ਕਹਿਣ ਦਾ ਸਮਰਥਨ ਕਰਦੇ ਹਾਂ, ਕੁੰਭ ਸਾਡਾ ਇਤਿਹਾਸ ਅਤੇ ਸੱਭਿਆਚਾਰ ਹੈ। ਸਾਡੀ ਇਕੋ ਇਕ ਸ਼ਿਕਾਇਤ ਹੈ ਕਿ ਪ੍ਰਧਾਨ ਮੰਤਰੀ ਨੇ ਕੁੰਭ ਵਿਚ ਆਪਣੀਆਂ ਜਾਨਾਂ ਗੁਆਉਣ ਵਾਲਿਆਂ ਨੂੰ ਸ਼ਰਧਾਂਜਲੀ ਨਹੀਂ ਦਿੱਤੀ। ਮਹਾਂਕੁੰਭ ​​ਵਿਚ ਗਏ ਨੌਜਵਾਨ ਪ੍ਰਧਾਨ ਮੰਤਰੀ ਤੋਂ ਇਕ ਹੋਰ ਚੀਜ਼ ਵੀ ਚਾਹੁੰਦੇ ਹਨ, ਜੋ ਕਿ ਰੁਜ਼ਗਾਰ ਹੈ। ਲੋਕਤੰਤਰੀ ਢਾਂਚੇ ਦੇ ਅਨੁਸਾਰ, ਵਿਰੋਧੀ ਧਿਰ ਦੇ ਨੇਤਾ ਨੂੰ ਬੋਲਣ ਦਾ ਮੌਕਾ ਮਿਲਣਾ ਚਾਹੀਦਾ ਹੈ, ਪਰ ਉਹ ਸਾਨੂੰ ਮੌਕਾ ਨਹੀਂ ਦੇਣਗੇ। ਇਹ ਨਵਾਂ ਭਾਰਤ ਹੈ।