ਸੋਨਮਰਗ ਹਿੱਲ ਸਟੇਸ਼ਨ 'ਚ ਗਲੇਸ਼ੀਅਰ ਟੁੱਟਣ ਕਾਰਨ ਸਥਾਨਕ ਲੋਕ ਲਾਪਤਾ, 2 ਸੈਲਾਨੀਆਂ ਨੂੰ ਬਚਾਇਆ
ਸ਼੍ਰੀਨਗਰ, 2 ਜੂਨ ਜੰਮੂ-ਕਸ਼ਮੀਰ ਦੇ ਸੋਨਮਰਗ ਪਹਾੜੀ ਸਟੇਸ਼ਨ 'ਤੇ ਥਜਵਾਸ ਗਲੇਸ਼ੀਅਰ ਦਾ ਇਕ ਹਿੱਸਾ ਢਹਿ ਜਾਣ ਕਾਰਨ ਇਕ ਸਥਾਨਕ ਵਿਅਕਤੀ ਲਾਪਤਾ ਹੋ ਗਿਆ ਅਤੇ ਦੋ ਸੈਲਾਨੀਆਂ ਨੂੰ ਬਚਾ ਲਿਆ ਗਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਸੈਲਾਨੀ ਸੋਨਮਰਗ ਦੇ ਥਜਵਾਸ ਗਲੇਸ਼ੀਅਰ 'ਤੇ ਆਨੰਦ ਮਾਣ ਰਹੇ ਸਨ ਜਦੋਂ ਅਚਾਨਕ ਇਸ ਦਾ ਇਕ ਹਿੱਸਾ ਡਿੱਗ ਗਿਆ, ਜਿਸ ਨਾਲ ਇਕ ਸਥਾਨਕ ਵਿਅਕਤੀ ਅਤੇ ਦੋ ਸੈਲਾਨੀ ਫਸ ਗਏ। ਇਕ ਅਧਿਕਾਰੀ ਨੇ ਕਿਹਾ, "ਘਟਨਾ ਤੋਂ ਤੁਰੰਤ ਬਾਅਦ ਦੋ ਸੈਲਾਨੀਆਂ ਨੂੰ ਬਚਾ ਲਿਆ ਗਿਆ, ਜਦਕਿ ਸਥਾਨਕ ਵਿਅਕਤੀ ਅਜੇ ਵੀ ਲਾਪਤਾ ਹੈ।" ਉਨ੍ਹਾਂ ਕਿਹਾ ਕਿ ਲਾਪਤਾ ਸਥਾਨਕ ਵਿਅਕਤੀ ਦੀ ਭਾਲ ਲਈ ਬਚਾਅ ਮੁਹਿੰਮ ਚਲਾਈ ਜਾ ਰਹੀ ਹੈ।