ਪ੍ਰਬੰਧਕ ਗਿ੍ਫ਼ਤਾਰ-ਬੰਗਾਲ ਸਰਕਾਰ ਵਲੋਂ ਜਾਂਚ ਦੇ ਹੁਕਮ
ਕੋਲਕਾਤਾ, 13 ਦਸੰਬਰ (ਪੀ. ਟੀ. ਆਈ.)-ਅਰਜਨਟੀਨਾ ਦੇ ਫੀਫਾ ਵਿਸ਼ਵ ਕੱਪ ਜੇਤੂ ਕਪਤਾਨ ਲਿਓਨਲ ਮੈਸੀ ਵਲੋਂ ਆਪਣੇ ਭਾਰਤ ਦੌਰੇ (ਗੌਟ ਇੰਡੀਆ ਟੂਰ 2025) ਦੀ ਸ਼ੁਰੂਆਤ ਕੋਲਕਾਤਾ ਦੇ ਸਾਲਟ ਲੇਕ ਸਟੇਡੀਅਮ ਤੋਂ ਕੀਤੀ ਗਈ | 16 ਸਾਲ ਬਾਅਦ ਕੋਲਕਾਤਾ ਪੁੱਜੇ ਇਸ ਮਹਾਨ ਖਿਡਾਰੀ ਵਲੋਂ ਸਟੇਡੀਅਮ ਤੋਂ ਵਰਚੂਅਲੀ ਕੋਲਕਾਤਾ ਦੇ ਲੇਕ ਟਾਊਨ ਸਥਿਤ ਸ੍ਰੀ ਭੂਮੀ ਸਪੋਰਟਿੰਗ ਕਲੱਬ ਵਿਖੇ ਸਥਾਪਿਤ ਕੀਤੇ ਆਪਣੇ 70 ਫੁੱਟ ਉੱਚੇ ਲੋਹੇ ਦੇ ਬੁੱਤ ਦੀ ਘੁੰਢ ਚੁਕਾਈ ਕੀਤੀ ਗਈ ਹੈ, ਜਿਸ \'ਚ ਮੈਸੀ ਫੀਫਾ ਵਿਸ਼ਵ ਕੱਪ ਟਰਾਫ਼ੀ ਫੜੀ ਹੋਈ ਦਿਖਾਈ ਦੇ ਰਹੀ ਹੈ | ਸਾਲਟ ਲੇਕ ਸਟੇਡੀਅਮ \'ਚ ਇਸ ਮਹਾਨ ਖਿਡਾਰੀ ਦੀ ਇਕ ਝਲਕ ਪਾਉਣ ਲਈ ਵੱਡੀ ਗਿਣਤੀ \'ਚ ਉਨ੍ਹਾਂ ਦੇ ਪ੍ਰਸ਼ੰਸਕ ਪਹੁੰਚੇ ਹੋਏ ਸਨ ਪਰ ਮੈਸੀ ਦੇ ਦੁਆਲੇ ਨੇਤਾਵਾਂ ਅਤੇ ਅਦਾਕਾਰਾਂ ਦੀ ਵੱਡੀ ਭੀੜ ਹੋਣ ਕਾਰਨ ਪ੍ਰਸ਼ੰਸਕ ਉਨ੍ਹਾਂ ਦੀ ਸਪੱਸ਼ਟ ਝਲਕ ਨਹੀਂ ਪਾ ਸਕੇ, ਜਿਸ ਕਾਰਨ ਪ੍ਰਸੰਸਕਾਂ ਵਲੋਂ ਸਟੇਡੀਅਮ ਦੇ ਅੰਦਰ ਤੇ ਬਾਹਰ ਹੰਗਾਮਾਂ ਕਰਦਿਆਂ ਭੰਨਤੋੜ ਸ਼ੁਰੂ ਕਰ ਦਿੱਤੀ ਗਈ | ਪ੍ਰਸ਼ੰਸਕਾਂ ਵਲੋਂ ਕੀਤੇ ਜ਼ਬਰਦਸਤ ਹੰਗਾਮੇ ਕਾਰਨ ਪ੍ਰਬੰਧਕਾਂ ਵਲੋਂ ਮੈਸੀ ਨੂੰ ਤੈਅ ਸਮੇਂ ਤੋਂ ਪਹਿਲਾਂ ਹੀ ਸਟੇਡੀਅਮ \'ਚੋਂ ਬਾਹਰ ਕੱਢ ਦਿੱਤਾ ਗਿਆ | ਆਲਮ ਇਹ ਰਿਹਾ ਕਿ ਮੈਸੀ ਨੂੰ ਮਿਲਣ ਆ ਰਹੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੂੰ ਵੀ ਵਿਚਕਾਰੋਂ ਹੀ ਵਾਪਸ ਪਰਤਣਾ ਪਿਆ, ਜਦੋਂਕਿ ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖ਼ਾਨ, ਭਾਰਤ ਦੇ ਸਾਬਕਾ ਕਿ੍ਕਟ ਕਪਤਾਨ ਸੌਰਵ ਗਾਂਗੁਲੀ ਵੀ ਪ੍ਰੋਗਰਾਮ \'ਚ ਸ਼ਾਮਿਲ ਨਹੀਂ ਹੋ ਸਕੇ | ਫੁੱਟਬਾਲ ਪ੍ਰੇਮੀ ਅਜੈ ਸ਼ਾਹ, ਜੋ ਆਪਣੇ ਪੁੱਤਰ ਨਾਲ ਆਇਆ ਸੀ, ਨੇ ਕਿਹਾ ਕਿ ਮੈਂ ਟਿਕਟ ਲਈ 5000 ਰੁਪਏ ਦਿੱਤੇ | ਅਸੀਂ ਮੈਸੀ ਨੂੰ ਦੇਖਣ ਆਏ ਸੀ, ਸਿਆਸਤਦਾਨਾਂ ਨੂੰ ਨਹੀਂ | ਇਸ ਪ੍ਰੋਗਰਾਮ ਲਈ ਟਿਕਟਾਂ ਦੀਆਂ ਕੀਮਤਾਂ 4500 ਤੋਂ 10,000 ਰੁਪਏ ਦੇ ਵਿਚਕਾਰ ਸਨ | ਸਾਲਟ ਲੇਕ ਸਟੇਡੀਅਮ \'ਚ ਹਫ਼ੜਾ- ਦਫ਼ੜੀ ਅਤੇ ਕਾਨੂੰਨ-ਵਿਵਸਥਾ ਵਿਚ ਪਏ ਵਿਘਨ ਦੇ ਚਲਦਿਆਂ ਪੁਲਿਸ ਨੇ ਮੁੱਖ ਪ੍ਰਬੰਧਕ ਨੂੰ ਹਿਰਾਸਤ \'ਚ ਲੈ ਲਿਆ, ਜਦੋਂਕਿ ਸੂਬੇ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਉੱਚ ਪੱਧਰੀ ਜਾਂਚ ਦੇ ਆਦੇਸ਼ ਦਿੰਦਿਆਂ ਮੈਸੀ ਦੇ ਪ੍ਰਸ਼ੰਸਕਾਂ ਤੋਂ ਮੁਆਫ਼ੀ ਮੰਗੀ ਹੈ | ਇਸ ਤੋਂ ਪਹਿਲਾਂ ਲਿਓਨਲ ਮੈਸੀ, ਉਰੂਗਵੇ ਦੇ ਸਟਾਰ ਫੁੱਟਬਾਲਰ ਲੁਈਸ ਸੁਆਰੇਜ਼ ਅਤੇ ਅਰਜਨਟੀਨਾ ਦੇ ਸਾਥੀ ਖਿਡਾਰੀ ਰੌਡਰਿਗੋ ਡੀ ਪਾਲ ਦੇ ਨਾਲ ਸਵੇਰੇ 11.30 ਵਜੇ ਦੇ ਕਰੀਬ ਸਾਲਟ ਲੇਕ ਸਟੇਡੀਅਮ ਪਹੁੰਚੇ | ਮੈਸੀ ਨੇ ਜਿਵੇਂ ਹੀ ਮੈਦਾਨ \'ਚ ਕਦਮ ਰੱਖਿਆ ਤਾਂ ਉਸ ਨੂੰ ਵੀ.ਆਈ.ਪੀਜ਼, ਪ੍ਰਬੰਧਕਾਂ, ਮਸ਼ਹੂਰ ਹਸਤੀਆਂ ਅਤੇ ਸੁਰੱਖਿਆ ਕਰਮਚਾਰੀਆਂ ਨੇ ਘੇਰ ਲਿਆ, ਜਿਸ ਕਾਰਨ ਗੈਲਰੀਆਂ \'ਚ ਮੌਜੂਦ ਦਰਸ਼ਕ ਆਪਣੇ ਹਰਮਨਪਿਆਰੇ ਫੁੱਟਬਾਲਰ ਦੇ ਦੀਦਾਰ ਕਰਨ ਲਈ ਤਰਲੋ-ਮੱਛੀ ਹੁੰਦੇ ਦੇਖੇ ਗਏ | ਇਸ ਦੌਰਾਨ ਮੈਸੀ ਮੈਦਾਨ \'ਤੇ ਥੋੜ੍ਹੀ ਦੂਰੀ ਤੁਰੇ ਤਾਂ ਪ੍ਰਸ਼ੰਸਕਾਂ ਵਲੋਂ \'ਮੈਸੀ-ਮੈਸੀ\' ਦੇ ਨਾਅਰਿਆਂ ਨਾਲ ਉਨ੍ਹਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਕੀਤਾ ਗਿਆ | ਇਸ ਦੌਰਾਨ ਮੈਸੀ ਨੇ ਵੀ ਸਟੈਂਡਾਂ ਵੱਲ ਹੱਥ ਹਿਲਾਉਂਦਿਆਂ ਆਪਣੇ ਪ੍ਰਸ਼ੰਸਕਾਂ ਦਾ ਪਿਆਰ ਕਬੂਲਿਆ |
ਪ੍ਰਬੰਧਕ ਖ਼ਿਲਾਫ਼ ਹੱਤਿਆ ਦੀ ਕੋਸ਼ਿਸ਼ ਦਾ ਮਾਮਲਾ ਦਰਜ ਕੀਤਾ ਜਾਵੇ-ਰਾਜਪਾਲ
ਪੱਛਮੀ ਬੰਗਾਲ ਦੇ ਰਾਜਪਾਲ ਸੀ.ਵੀ. ਆਨੰਦ ਬੋਸ ਨੇ ਸਾਲਟ ਲੇਕ ਸਟੇਡੀਅਮ ਘਟਨਾਕ੍ਰਮ ਨੂੰ ਕੋਲਕਾਤਾ ਦੇ ਖੇਡ ਪ੍ਰੇਮੀਆਂ ਲਈ ਕਾਲਾ ਦਿਨ ਕਰਾਰ ਦਿੰਦਿਆਂ ਕਿਹਾ ਕਿ ਪ੍ਰੋਗਰਾਮ ਦੇ ਮੁੱਖ ਪ੍ਰਬੰਧਕ ਖ਼ਿਲਾਫ਼ ਹੱਤਿਆ ਦੀ ਕੋਸ਼ਿਸ਼ ਦਾ ਮਾਮਲਾ ਦਰਜ ਕੀਤਾ ਜਾਣਾ ਚਾਹੀਦਾ ਹੈ | ਬੋਸ ਨੇ ਕਿਹਾ ਕਿ ਪੁਲਿਸ ਨੇ ਸਰਕਾਰ, ਲੋਕਾਂ ਅਤੇ ਮੁੱਖ ਮੰਤਰੀ ਮਮਤਾ ਬੈਨਰਜੀ, ਜੋ ਕਿ ਗ੍ਰਹਿ ਮੰਤਰੀ ਵੀ ਹਨ, ਨੂੰ ਨਿਰਾਸ਼ ਕੀਤਾ ਹੈ | ਰਾਜਪਾਲ ਨੇ ਇਸ ਗੱਲ \'ਤੇ ਹੈਰਾਨੀ ਜਤਾਈ ਕਿ ਮੁੱਖ ਮੰਤਰੀ ਮਮਤਾ ਬੈਨਰਜੀ, ਜੋ ਸਾਲਟ ਲੇਕ ਸਟੇਡੀਅਮ \'ਚ ਮੈਸੀ ਨੂੰ ਮਿਲਣ ਵਾਲੇ ਸਨ, ਨੂੰ ਵਿਚਕਾਰੋਂ ਵਾਪਸ ਪਰਤਣਾ ਪਿਆ |

18,224 ਪੋਲਿੰਗ ਬੂਥਾਂ \'ਤੇ ਪੈਣਗੀਆਂ ਵੋਟਾਂ
ਸੰਦੀਪ ਕੁਮਾਰ ਮਾਹਨਾ
ਚੰਡੀਗੜ੍ਹ, 13 ਦਸੰਬਰ-ਪੰਜਾਬ ਦੇ 22 ਜ਼ਿਲਿ੍ਹਆਂ \'ਚ ਜ਼ਿਲ੍ਹਾ ਪ੍ਰੀਸ਼ਦ ਤੇ ਬਲਾਕ ਸੰਮਤੀ ਚੋਣਾਂ ਲਈ ਵੋਟਿੰਗ 14 ਦਸੰਬਰ ਨੂੰ ਕਰਵਾਈ ਜਾ ਰਹੀ ਹੈ | ਇਨ੍ਹਾਂ ਚੋਣਾਂ ਨੂੰ ਲੈ ਕੇ ਸੂਬਾ ਚੋਣ ਕਮਿਸ਼ਨ ਵਲੋਂ ਤਿਆਰੀਆਂ ਮੁਕੰਮਲ ਕਰ ਲਈ ਗਈਆਂ ਹਨ | ਇਸ ਤਹਿਤ 347 ਜ਼ਿਲ੍ਹਾ ਪ੍ਰੀਸ਼ਦ ਜ਼ੋਨਾਂ ਤੇ 2838 ਬਲਾਕ ਸੰਮਤੀ ਜ਼ੋਨਾਂ ਲਈ ਵੋਟਰ ਆਪਣੇ ਵੋਟ ਦੀ ਵਰਤੋਂ ਕਰਨਗੇ | ਚੋਣ ਕਮਿਸ਼ਨ ਵਲੋਂ ਜਾਰੀ ਸਮਾਂ-ਸਾਰਣੀ ਅਨੁਸਾਰ ਵੋਟਿੰਗ ਸਵੇਰੇ 8 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਹੋਵੇਗੀ | ਸੂਬੇ ਭਰ \'ਚ 22 ਜ਼ਿਲਿ੍ਹਆਂ \'ਚ ਜ਼ਿਲ੍ਹਾ ਪ੍ਰੀਸ਼ਦ ਅਤੇ 23 ਜ਼ਿਲਿ੍ਹਆਂ \'ਚ 153 ਬਲਾਕ ਸੰਮਤੀਆਂ \'ਚ ਚੋਣਾਂ ਹੋਣਗੀਆਂ | ਇਨ੍ਹਾਂ ਚੋਣਾਂ \'ਚ ਜ਼ਿਲ੍ਹਾ ਪ੍ਰੀਸ਼ਦ ਲਈ ਕੁੱਲ 1259 ਉਮੀਦਵਾਰ ਅਤੇ ਬਲਾਕ ਸੰਮਤੀ ਲਈ 8142 ਉਮੀਦਵਾਰ ਚੋਣ ਮੈਦਾਨ \'ਚ ਹਨ ਅਤੇ ਕੁੱਲ 1,34,86,000 ਵੋਟਰ ਇਨ੍ਹਾਂ ਉਮੀਦਵਾਰਾਂ ਦੇ ਭਵਿੱਖ ਨੂੰ ਤੈਅ ਕਰਨਗੇ | ਚੋਣਾਂ ਲਈ ਸੂਬੇ ਭਰ \'ਚ ਕੁੱਲ 18,224 ਪੋਲਿੰਗ ਬੂਥ ਤੇ 13,395 ਪੋਲਿੰਗ ਸਟੇਸ਼ਨ ਬਣਾਏ ਗਏ ਹਨ | ਵੋਟਿੰਗ ਤੋਂ ਪਹਿਲਾਂ ਸਾਰੀਆਂ ਪੋਲਿੰਗ ਪਾਰਟੀਆਂ ਨੂੰ ਲੋੜੀਂਦਾ ਚੋਣ ਸਮੱਗਰੀ ਦੇ ਕੇ ਆਪਣੇ-ਆਪਣੇ ਪੋਲਿੰਗ ਸਟੇਸ਼ਨਾਂ ਵੱਲ ਰਵਾਨਾ ਕਰ ਦਿੱਤਾ ਗਿਆ | ਪ੍ਰਸ਼ਾਸਨ ਵਲੋਂ ਇਹ ਯਕੀਨੀ ਬਣਾਇਆ ਗਿਆ ਹੈ ਕਿ ਹਰ ਬੂਥ \'ਤੇ ਸਮੇਂ ਸਿਰ ਵੋਟਿੰਗ ਸ਼ੁਰੂ ਹੋ ਸਕੇ | ਇਨ੍ਹਾਂ ਪਿੰਡ ਪੱਧਰੀ ਚੋਣਾਂ \'ਚ ਆਮ ਆਦਮੀ ਪਾਰਟੀ, ਸ਼੍ਰੋਮਣੀ ਅਕਾਲੀ ਦਲ, ਭਾਜਪਾ ਤੇ ਕਾਂਗਰਸ ਸਮੇਤ ਹੋਰ ਰਾਜਨੀਤਿਕ ਪਾਰਟੀਆਂ ਦੇ ਉਮੀਦਵਾਰ ਮੈਦਾਨ \'ਚ ਆਪਣੀ ਕਿਸਮਤ ਅਜਮਾ ਰਹੇ ਹਨ | ਇਸ ਤੋਂ ਇਲਾਵਾ ਵੱਡੀ ਗਿਣਤੀ \'ਚ ਆਜ਼ਾਦ ਉਮੀਦਵਾਰ ਵੀ ਇਸ ਦੌੜ \'ਚ ਸ਼ਾਮਲ ਹਨ | ਜ਼ਿਕਰਯੋਗ ਹੈ ਕਿ ਹੁਣ ਤੱਕ ਜ਼ਿਲ੍ਹਾ ਪ੍ਰੀਸ਼ਦ ਲਈ 22 ਮੈਂਬਰ ਅਤੇ ਬਲਾਕ ਸੰਮਤੀ ਲਈ 352 ਮੈਂਬਰਾਂ ਨੂੰ ਸਰਬ ਸੰਮਤੀ ਨਾਲ ਚੋਣ ਹੋ ਚੁੱਕੀ ਹੈ |
44,036 ਮੁਲਾਜ਼ਮਾਂ ਹਵਾਲੇ ਸੁਰੱਖਿਆ ਇੰਤਜ਼ਾਮ
ਚੋਣਾਂ ਨੂੰ ਸ਼ਾਂਤਮਈ ਢੰਗ ਨਾਲ ਕਰਵਾਉਣ ਲਈ ਸੂਬੇ ਭਰ \'ਚ 44,036 ਪੁਲਿਸ ਮੁਲਾਜ਼ਮ ਤਾਇਨਾਤ ਕੀਤੇ ਗਏ ਹਨ | ਚੋਣ ਕਮਿਸ਼ਨ ਅਨੁਸਾਰ 860 ਪੋਲਿੰਗ ਬੂਥ ਅਤਿ-ਸੰਵੇਦਨਸ਼ੀਲ, 3,405 ਸੰਵੇਦਨਸ਼ੀਲ ਤੇ 9,127 ਸਧਾਰਨ ਸ਼੍ਰੇਣੀ \'ਚ ਰੱਖੇ ਗਏ ਹਨ | ਇਨ੍ਹਾਂ ਸਾਰੇ ਬੂਥਾਂ \'ਤੇ ਸਥਿਤੀ ਅਨੁਸਾਰ ਪੁਲਿਸ ਅਤੇ ਸੁਰੱਖਿਆ ਬਲਾਂ ਦੀ ਤਾਇਨਾਤੀ ਕੀਤੀ ਗਈ ਹੈ | ਸਪੈਸ਼ਲ ਤੇ ਅੰਤਰਰਾਜੀ ਨਾਕੇ ਲਗਾ ਕੇ ਸਾਰੀਆਂ ਗੱਡੀਆਂ ਦੀ ਸਖ਼ਤੀ ਨਾਲ ਚੈਕਿੰਗ ਕੀਤੀ ਜਾ ਰਹੀ ਹੈ | ਸਰਹੱਦੀ ਇਲਾਕਿਆਂ \'ਚ ਵੀ ਨਾਕਾਬੰਦੀ ਕਰਕੇ ਹਰ ਆਵਾਜਾਈ \'ਤੇ ਨਜ਼ਰ ਰੱਖੀ ਜਾ ਰਹੀ ਹੈ ਤਾਂ ਜੋ ਕਿਸੇ ਵੀ ਅਣਸੁਖਾਵੀਂ ਘਟਨਾ ਨੂੰ ਰੋਕਿਆ ਜਾ ਸਕੇ |

31 ਮਾਰਚ ਤੱਕ ਨਕਸਲੀਆਂ ਨੂੰ ਖ਼ਤਮ ਕਰਨ ਦਾ ਸੰਕਲਪ ਦੁਹਰਾਇਆ
ਰਾਏਪੁਰ, 13 ਦਸੰਬਰ (ਪੀ. ਟੀ. ਆਈ.)-ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕਿਹਾ ਕਿ ਨਕਸਲਵਾਦ ਕਿਸੇ ਨੂੰ ਵੀ ਲਾਭ ਨਹੀਂ ਪਹੁੰਚਾਉਂਦਾ | ਰਾਜ ਦੇ ਬਸਤਰ ਜ਼ਿਲ੍ਹੇ ਦੇ ਮੁੱਖ ਦਫ਼ਤਰ ਜਗਦਲਪੁਰ ਦੇ ਇੰਦਰਾ ਪਿ੍ਯਦਰਸ਼ਨੀ ਸਟੇਡੀਅਮ \'ਚ ਬਸਤਰ ਓਲੰਪਿਕ-2025 ਖੇਡ ਸਮਾਗਮ ਦੇ ਸਮਾਪਤੀ ਸਮਾਰੋਹ ਨੂੰ ਸੰਬੋਧਨ ਕਰਦਿਆਂ ਸ਼ਾਹ ਨੇ ਮਾਓਵਾਦੀਆਂ ਨੂੰ ਹਥਿਆਰ ਸੁੱਟਣ ਤੇ ਸਮਾਜ ਦੀ ਮੁੱਖ ਧਾਰਾ \'ਚ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਤੇ ਕਿਹਾ ਕਿ ਨਕਸਲਵਾਦ ਕਿਸੇ ਨੂੰ ਵੀ ਲਾਭ ਨਹੀਂ ਪਹੁੰਚਾਉਂਦਾ ਭਾਵੇਂ ਉਹ ਹਥਿਆਰ ਚੁੱਕਣ ਵਾਲੇ ਹੋਣ ਜਾਂ ਫਿਰ ਸੁਰੱਖਿਆ ਕਰਮੀ | ਉਨ੍ਹਾਂ ਕਿਹਾ ਕਿ ਸਿਰਫ਼ ਸ਼ਾਂਤੀ ਹੀ ਵਿਕਾਸ ਦਾ ਰਾਹ ਪੱਧਰਾ ਕਰ ਸਕਦੀ ਹੈ | ਉਨ੍ਹਾਂ ਦੱਸਿਆ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਐਨ.ਡੀ.ਏ. ਸਰਕਾਰ ਨੇ ਅਗਲੇ 5 ਸਾਲਾਂ ਦੇ ਅੰਦਰ ਛੱਤੀਸਗੜ੍ਹ ਦੇ 7 ਜ਼ਿਲਿ੍ਹਆਂ ਵਾਲੇ ਬਸਤਰ ਡਿਵੀਜ਼ਨ ਨੂੰ ਦੇਸ਼ ਦਾ ਸਭ ਤੋਂ ਵਿਕਸਤ ਕਬਾਇਲੀ ਖੇਤਰ ਬਣਾਉਣ ਦਾ ਸੰਕਲਪ ਲਿਆ ਹੈ | ਉਨ੍ਹਾਂ ਦੁਹਰਾਇਆ ਕਿ 31 ਮਾਰਚ, 2026 ਤੱਕ ਦੇਸ਼ \'ਚੋਂ ਨਕਸਲਵਾਦ ਨੂੰ ਪੂਰੀ ਤਰ੍ਹਾਂ ਖ਼ਤਮ ਕਰ ਦਿੱਤਾ ਜਾਵੇਗਾ ਤੇ ਇਹ ਟੀਚਾ ਹੁਣ ਪ੍ਰਾਪਤ ਹੋਣ ਵਾਲਾ ਹੈ | ਬਸਤਰ ਓਲੰਪਿਕ ਬਾਰੇ, ਕੇਂਦਰੀ ਗ੍ਰਹਿ ਮੰਤਰੀ ਨੇ ਕਿਹਾ ਕਿ ਇਸ ਖੇਡ ਸਮਾਗਮ \'ਚ 700 ਤੋਂ ਵੱਧ ਆਤਮ ਸਮਰਪਣ ਕਰਨ ਵਾਲੇ ਨÏਜਵਾਨਾਂ ਨੇ ਹਿੱਸਾ ਲਿਆ ਹੈ | ਉਨ੍ਹਾਂ ਦੱਸਿਆ ਕਿ ਸਪੋਰਟਸ ਅਥਾਰਟੀ ਆਫ਼ ਇੰਡੀਆ ਦੇ ਅਧਿਕਾਰੀ ਵੀ ਭਵਿੱਖ ਦੇ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਸਮਾਗਮਾਂ ਲਈ ਬਸਤਰ ਦੇ ਐਥਲੀਟਾਂ ਨੂੰ ਤਿਆਰ ਕਰਨ ਲਈ ਇਸ ਸਮਾਗਮ \'ਚ ਪਹੁੰਚੇ ਹਨ | ਇਸ ਮੌਕੇ ਅਮਿਤ ਸ਼ਾਹ ਨਾਲ ਮੁੱਖ ਮੰਤਰੀ ਵਿਸ਼ਨੂੰ ਦਿਓ ਸਾਈਾ, ਰਾਜ ਵਿਧਾਨ ਸਭਾ ਦੇ ਸਪੀਕਰ ਰਮਨ ਸਿੰਘ, ਉਪ ਮੁੱਖ ਮੰਤਰੀ ਅਰੁਣ ਸਾਓ ਤੇ ਵਿਜੇ ਸ਼ਰਮਾ ਤੇ ਹੋਰ ਮੌਜੂਦ ਸਨ |

ਕਿਹਾ, ਕਾਂਗਰਸ ਹੀ ਭਾਰਤ \'ਚ ਪ੍ਰਭਾਵੀ ਵਿਰੋਧੀ ਧਿਰ ਬਣਾ ਸਕਦੀ ਹੈ
ਨਵੀਂ ਦਿੱਲੀ, 13 ਦਸੰਬਰ (ਉਪਮਾ ਡਾਗਾ ਪਾਰਥ)-ਸਾਬਕਾ ਕਾਨੂੰਨ ਮੰਤਰੀ ਅਸ਼ਵਨੀ ਕੁਮਾਰ ਨੇ ਆਪਣੀ ਪੁਰਾਣੀ ਪਾਰਟੀ ਕਾਂਗਰਸ ਨੂੰ ਜਨਤਾ \'ਚ ਮੁੜ ਸੁਰਜੀਤ ਹੋਣ ਬਾਰੇ ਅਤੇ ਸਹੀ ਤਰੀਕੇ ਨਾਲ ਆਪਣਾ ਸੰਦੇਸ਼ ਲੋਕਾਂ ਤੱਕ ਪਹੁੰਚਾਉਣ ਬਾਰੇ ਮਸ਼ਵਰਾ ਦਿੰਦਿਆਂ ਕਿਹਾ ਕਿ ਜੇਕਰ ਕਾਂਗਰਸ ਅਸਲ \'ਚ ਇਹ ਵਿਸ਼ਵਾਸ ਕਰਦੀ ਹੈ ਕਿ ਦੇਸ਼ \'ਚ \'ਵੋਟ ਚੋਰੀ\' ਹੋ ਰਹੇ ਹਨ ਤਾਂ ਉਹ ਚੋਣਾਂ ਦਾ ਬਾਈਕਾਟ ਕਰ ਦੇਵੇ | ਉਨ੍ਹਾਂ ਕਿਹਾ ਕਿ ਇਹ ਦੋਵੇਂ ਤਰ੍ਹਾਂ ਨਹੀਂ ਹੋ ਸਕਦਾ, ਤੁਹਾਨੂੰ ਆਪਣੇ ਕਹੇ ਮੁਤਾਬਿਕ ਕੰਮ ਕਰਨਾ ਹੋਵੇਗਾ | ਅਸ਼ਵਨੀ ਕੁਮਾਰ ਨੇ ਉਕਤ ਬਿਆਨ ਆਪਣੀ ਨਵੀਂ ਕਿਤਾਬ \'ਗਾਰਡੀਅਨਜ਼ ਆਫ਼ ਰਿਪਬਲਿਕ\' ਦੇ ਲਾਂਚ ਮੌਕੇ ਕਹੀ, ਜਿਸ ਨੂੰ ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਮਦਨ ਬੀ. ਲੋਕੁਰ ਨੇ ਇੰਡੀਅਨ ਇੰਟਰਨੈਸ਼ਨਲ ਸੈਂਟਰ ਵਿਖੇ ਲਾਂਚ ਕੀਤਾ | ਅਸ਼ਵਨੀ ਕੁਮਾਰ ਨੇ ਕਿਹਾ ਕਿ ਸਾਰੀਆਂ ਵਿਰੋਧੀ ਧਿਰਾਂ ਦਿਨ-ਬ-ਦਿਨ ਇਹ ਦਾਅਵਾ ਕਰ ਰਹੀਆਂ ਹਨ ਕਿ \'ਵੋਟ ਚੋਰੀ\' ਕੀਤੇ ਜਾ ਰਹੇ ਹਨ | ਉਨ੍ਹਾਂ ਕਿਹਾ ਕਿ ਉਹ ਇਸ ਸੰਬੰਧ \'ਚ ਨਹੀਂ ਜਾਣਦੇ | ਉਨ੍ਹਾਂ ਨੂੰ ਨਾ ਹੀ ਇਹ ਪਤਾ ਹੈ ਕਿ ਈ.ਵੀ.ਐਮ. \'ਚ ਗੜਬੜ ਹੋਈ ਹੈ ਜਾਂ ਕੀਤੀ ਜਾ ਸਕਦੀ ਹੈ ਪਰ ਜੇਕਰ ਵਿਰੋਧੀ ਧਿਰਾਂ ਕੁਝ ਕਹਿ ਰਹੀਆਂ ਹਨ ਤਾਂ ਉਸ \'ਤੇ ਵਿਚਾਰ ਕੀਤਾ ਜਾਣਾ ਚਾਹੀਦਾ ਹੈ ਉਨ੍ਹਾਂ ਨਾਲ ਹੀ ਇਹ ਵੀ ਕਿਹਾ ਕਿ ਜੇਕਰ ਇਕ ਪਾਰਟੀ ਆਪਣੇ ਹੱਕ \'ਚ ਆਏ ਫ਼ੈਸਲੇ ਨੂੰ ਪ੍ਰਵਾਨ ਕਰਦੀ ਹੈ ਅਤੇ ਉਥੇ ਸਰਕਾਰ ਬਣਾਉਂਦੀ ਹੈ, ਜਿਵੇਂ ਕਾਂਗਰਸ ਨੇ ਹਿਮਾਚਲ ਪ੍ਰਦੇਸ਼ ਅਤੇ ਕਰਨਾਟਕ \'ਚ ਕੀਤਾ ਤਾਂ ਉਹ ਆਪਣੀ ਭਰੋਸੇਯੋਗਤਾ ਗੁਆ ਲੈਂਦੀ ਹੈ, ਜਦੋਂ ਉਹ ਸਿਰਫ਼ ਉਸ ਵੇਲੇ ਸਵਾਲ ਉਠਾਉਂਦੀ ਹੈ, ਜਿਨ੍ਹਾਂ ਚੋਣਾਂ \'ਚ ਉਸ ਦੀ ਹਾਰ ਹੁੰਦੀ ਹੈ | ਉਨ੍ਹਾਂ ਕਿਹਾ ਕਿ ਤੁਸੀਂ ਦੋਵੇਂ ਪਾਸੇ ਨਹੀਂ ਜਾ ਸਕਦੇ | ਅਸ਼ਵਨੀ ਕੁਮਾਰ ਨੇ ਕਿਹਾ ਕਿ ਜੇਕਰ ਕਾਂਗਰਸ ਇਸ \'ਤੇ ਪੂਰੀ ਤਰ੍ਹਾਂ ਯਕੀਨ ਕਰਦੀ ਹੈ ਕਿ ਚੋਣਾਂ \'ਚ ਗੜਬੜੀ ਹੋ ਰਹੀ ਹੈ ਤਾਂ ਇਸ ਨੂੰ ਕਹਿਣਾ ਚਾਹੀਦਾ ਹੈ ਕਿ ਅਸੀਂ ਚੋਣਾਂ ਨਹੀਂ ਲੜਾਂਗੇ | ਚੁਣੌਤੀ \'ਵੋਟ ਚੋਰੀ\' ਦਾ ਆਧਾਰ ਉਸ ਵੇਲੇ ਹਿਲ ਜਾਂਦਾ ਹੈ ਜਦੋਂ ਹਾਂ-ਪੱਖੀ ਨਤੀਜੇ ਆਉਣ \'ਤੇ ਈ.ਵੀ.ਐਮ. ਨੂੰ ਸਵੀਕਾਰ ਕਰ ਲਿਆ ਜਾਂਦਾ ਹੈ ਅਤੇ ਹਾਰਨ \'ਤੇ ਈ.ਵੀ.ਐਮ. ਨੂੰ ਖਾਰਜ਼ ਕਰ ਦਿੱਤਾ ਜਾਂਦਾ ਹੈ | ਸਾਬਕਾ ਕਾਨੂੰਨ ਮੰਤਰੀ ਨੇ ਕਿਹਾ ਕਿ ਕਾਂਗਰਸ ਤੋਂ ਬਿਨਾਂ ਦੇਸ਼ \'ਚ ਪ੍ਰਭਾਵੀ ਵਿਰੋਧੀ ਧਿਰ ਨਹੀਂ ਹੋ ਸਕਦੀ ਪਰ ਪਾਰਟੀ ਨੇ ਕਿਤੇ ਨਾ ਕਿਤੇ ਆਪਣਾ ਆਧਾਰ ਗੁਆ ਲਿਆ ਹੈ ਅਤੇ ਹੁਣ \'ਰਾਸ਼ਟਰੀ ਫਰਜ਼\' ਤਹਿਤ ਹੀ ਪਾਰਟੀ ਨੂੰ ਮੁੜ-ਸੁਰਜੀਤ ਕਰਨਾ ਹੋਵੇਗਾ, ਜਿਸ ਲਈ ਕਾਂਗਰਸ ਨੂੰ ਆਤਮਚਿੰਤਨ ਕਰਨ ਦੀ ਲੋੜ ਹੈ | ਅਸ਼ਵਨੀ ਕੁਮਾਰ ਨੇ ਆਪਣੀ ਕਿਤਾਬ \'ਗਾਰਡੀਅਨਜ਼ ਆਫ਼ ਰਿਪਬਲਿਕ\' ਸਾਬਕਾ ਮਰਹੂਮ ਪ੍ਰਧਾਨ ਮੰਤਰੀ ਡਾ. ਮਨਮੋਹਨ ਸਿੰਘ ਨੂੰ ਸਮਰਪਿਤ ਕੀਤੀ ਅਤੇ ਕਿਤਾਬ ਦੀ ਪਹਿਲੀ ਕਾਪੀ ਡਾ. ਸਿੰਘ ਦੀ ਪਤਨੀ ਗੁਰਸ਼ਰਨ ਕੌਰ ਅਤੇ ਉਨ੍ਹਾਂ ਦੀ ਬੇਟੀ ਉਪਰਿੰਦਰ ਸਿੰਘ ਨੂੰ ਭੇਟ ਕੀਤੀ | ਇਸ ਮੌਕੇ ਸਾਬਕਾ ਉਪ ਰਾਸ਼ਟਰਪਤੀ ਹਾਮਿਦ ਅੰਸਾਰੀ, ਗੁਲਾਮ ਨਬੀ ਆਜ਼ਾਦ, ਭੁਪੇਂਦਰ ਸਿੰਘ ਹੁੱਡਾ, ਸੁਖਜਿੰਦਰ ਸਿੰਘ ਰੰਧਾਵਾ, ਕੇ.ਸੀ. ਤਿਆਗੀ, ਦਾਰਿਸ਼ ਅਲੀ, ਸਾਬਕਾ ਚੀਫ਼ ਜਸਟਿਸ ਕੇ.ਜੀ. ਬਾਲਾਕ੍ਰਿਸ਼ਨਨ ਸਮੇਤ ਕਈ ਸ਼ਖ਼ਸੀਅਤਾਂ ਮੌਜੂਦ ਸਨ | ਸਾਬਕਾ ਵਿਦੇਸ਼ ਸਕੱਤਰ ਸ਼ਿਆਮ ਸ਼ਰਨ ਨੇ ਮੌਜੂਦਾ ਸਮੇਂ ਦੇ ਤਨਾਅ ਭਰੇ ਅਤੇ ਨਫ਼ਰਤੀ ਫ਼ਿਤਰਤ \'ਤੇ ਚਿੰਤਾ ਦਾ ਪ੍ਰਗਟਾਵਾ ਕਰਦਿਆਂ ਨਾਲ ਹੀ ਆਸ ਵੀ ਪ੍ਰਗਟਾਈ ਅਤੇ ਕਿਹਾ ਕਿ ਜੇਕਰ ਵਿਸ਼ਵ \'ਚ ਲੋਕਤੰਤਰ ਨੂੰ ਜ਼ਿੰਦਾ ਰੱਖਣਾ ਹੈ ਤਾਂ ਉਹ ਤਾਂ ਹੀ ਸੰਭਵ ਹੈ ਜੇਕਰ ਇਹ ਭਾਰਤ \'ਚ ਜ਼ਿੰਦਾ ਰਹਿ ਸਕੇ | ਉਨ੍ਹਾਂ ਕਿਹਾ ਕਿ ਭਾਰਤ ਦੀ ਵੰਨ-ਸੁਵੰਨਤਾ ਹੀ ਲੋਕਤੰਤਰ ਦੀ ਗਾਰੰਟੀ ਹੈ |

ਖੱਬੇ ਪੱਖੀਆਂ ਦੀ 45 ਸਾਲਾਂ ਪਕੜ ਨੂੰ ਕੀਤਾ ਖ਼ਤਮ
ਨਵੀਂ ਦਿੱਲੀ, 13 ਦਸੰਬਰ (ਪੀ. ਟੀ. ਆਈ.)-ਭਾਜਪਾ ਦੀ ਅਗਵਾਈ ਵਾਲੇ ਐਨ.ਡੀ.ਏ. ਨੇ ਕੇਰਲ ਸਥਾਨਕ ਚੋਣਾਂ \'ਚ ਵੱਡੀ ਜਿੱਤ ਹਾਸਲ ਕੀਤੀ ਹੈ | ਪਾਰਟੀ ਤਿਰੂਵਨੰਤਪੁਰਮ ਕਾਰਪੋਰੇਸ਼ਨ \'ਚ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉੱਭਰ ਕੇ ਸਾਹਮਣੇ ਆਈ ਹੈ ਤੇ ਨਗਰ ਨਿਗਮ \'ਤੇ ਖੱਬੇ ਪੱਖੀ ਲੋਕਤੰਤਰੀ ਮੋਰਚੇ ਦੀ 45 ਸਾਲਾਂ ਦੀ ਪਕੜ ਨੂੰ ਖਤਮ ਕਰ ਦਿੱਤਾ ਹੈ | ਐਨ.ਡੀ.ਏ. ਨੇ ਨਿਗਮ ਦੇ 101 ਵਾਰਡਾਂ \'ਚੋਂ 50 ਜਿੱਤੀਆਂ, ਜਦੋਂ ਕਿ ਸੱਤਾਧਾਰੀ ਐਲ.ਡੀ.ਐਫ. 29 ਸੀਟਾਂ \'ਤੇ ਸਿਮਟ ਗਿਆ | ਕਾਂਗਰਸ ਦੀ ਅਗਵਾਈ ਵਾਲੇ ਯੂਨਾਈਟਿਡ ਡੈਮੋਕ੍ਰੇਟਿਕ ਫਰੰਟ (ਯੂ.ਡੀ.ਐਫ.) ਨੇ 19 ਸੀਟਾਂ ਜਿੱਤੀਆਂ, 2 ਆਜ਼ਾਦ ਉਮੀਦਵਾਰਾਂ ਨੂੰ ਮਿਲੀਆਂ ਤੇ ਪਿਛਲੇ ਹਫ਼ਤੇ ਇਕ ਉਮੀਦਵਾਰ ਦੀ ਮÏਤ ਤੋਂ ਬਾਅਦ ਇਕ ਵਾਰਡ \'ਚ ਪੋਲਿੰਗ ਰੱਦ ਕਰ ਦਿੱਤੀ ਗਈ | ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਤਿਰੂਵਨੰਤਪੁਰਮ ਕਾਰਪੋਰੇਸ਼ਨ \'ਚ ਭਾਜਪਾ ਦੀ ਅਗਵਾਈ ਵਾਲੇ ਐਨ.ਡੀ.ਏ. ਨੂੰ ਮਿਲੇ ਫਤਵੇ ਨੂੰ ਕੇਰਲ ਦੀ ਰਾਜਨੀਤੀ \'ਚ ਇਕ \'ਮਹੱਤਵਪੂਰਨ ਬਦਲਾਅ\' ਦੱਸਿਆ ਤੇ \'ਸ਼ਾਨਦਾਰ ਨਤੀਜਿਆਂ\' ਲਈ ਭਾਜਪਾ ਵਰਕਰਾਂ ਦਾ ਧੰਨਵਾਦ ਕੀਤਾ | ਉਨ੍ਹਾਂ \'ਐਕਸ\' \'ਤੇ ਲਿਖਿਆ ਕਿ \'ਧੰਨਵਾਦ ਤਿਰੂਵਨੰਤਪੁਰਮ! ਤਿਰੂਵਨੰਤਪੁਰਮ ਕਾਰਪੋਰੇਸ਼ਨ \'ਚ ਭਾਜਪਾ-ਐਨ.ਡੀ.ਏ. ਨੂੰ ਮਿਲਿਆ ਫਤਵਾ ਕੇਰਲ ਦੀ ਰਾਜਨੀਤੀ \'ਚ ਇਕ ਮਹੱਤਵਪੂਰਨ ਪਲ ਹੈ |
ਕੀ ਪਹਿਲੀ ਮਹਿਲਾ ਆਈ. ਪੀ. ਐਸ. ਬਣੇਗੀ ਮੇਅਰ
ਭਾਜਪਾ ਵੱਲੋਂ ਸ਼ਹਿਰ ਦੇ ਨਗਰ ਨਿਗਮ \'ਚ ਹੂੰਝਾ ਫੇਰ ਜਿੱਤ ਹਾਸਲ ਕਰਨ ਤੇ ਸੱਤਾਧਾਰੀ ਐਲ.ਡੀ.ਐਫ. ਤੇ ਕਾਂਗਰਸ ਦੀ ਅਗਵਾਈ ਵਾਲੀ ਯੂ.ਡੀ.ਐਫ. ਨੂੰ ਹਰਾ ਕੇ ਇਕ ਵੱਡਾ ਸਵਾਲ ਸਾਹਮਣੇ ਆਇਆ ਹੈ, ਕਿ ਕੀ ਕੇਰਲ ਦੀ ਪਹਿਲੀ ਮਹਿਲਾ ਆਈ.ਪੀ.ਐਸ ਅਧਿਕਾਰੀ ਪਾਰਟੀ ਦੀ ਮੇਅਰ ਬਣੇਗੀ? 65 ਸਾਲ ਦੀ ਹੋਣ ਤੋਂ ਕੁਝ ਦਿਨ ਪਹਿਲਾਂ, ਸਾਰੀਆਂ ਨਜ਼ਰਾਂ ਆਰ. ਸ਼੍ਰੀਲੇਖਾ \'ਤੇ ਹਨ ਕਿ ਕੀ ਭਾਜਪਾ ਉਨ੍ਹਾਂ ਨੂੰ ਸ਼ਹਿਰ ਨਿਗਮ ਦੀ ਅਗਵਾਈ ਕਰਨ ਲਈ ਚੁਣਦੀ ਹੈ, ਜੋ ਕਿ ਚਾਰ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਖੱਬੇ ਪੱਖੀ ਗੜ੍ਹ ਹੈ, ਜਿਸ ਨੂੰ ਭਾਜਪਾ ਨੇ ਸਥਾਨਕ ਚੋਣਾਂ \'ਚ ਤੋੜ ਦਿੱਤਾ |
ਥਰੂਰ ਨੇ ਭਾਜਪਾ ਨੂੰ ਦਿੱਤੀ ਵਧਾਈ
ਕਾਂਗਰਸ ਨੇਤਾ ਸ਼ਸ਼ੀ ਥਰੂਰ ਨੇ ਕੇਰਲ ਦੇ ਸਥਾਨਕ ਸੰਸਥਾਵਾਂ ਚੋਣਾਂ ਵਿਚ ਯੂਡੀਐਫ ਦੀ ਜਿੱਤ ਦੀ ਸ਼ਲਾਘਾ ਕਰਦੇ ਹੋਏ, ਆਪਣੇ ਤਿਰੂਵਨੰਤਪੁਰਮ ਹਲਕੇ ਵਿਚ ਭਾਜਪਾ ਦੇ ਇਤਿਹਾਸਕ ਪ੍ਰਦਰਸ਼ਨ ਲਈ ਵੀ ਉਨ੍ਹਾਂ ਨੂੰ ਵਧਾਈ ਦਿੱਤੀ | ਉਨ੍ਹਾਂ ਇਸਨੂੰ \'ਲੋਕਤੰਤਰ ਦੀ ਸੁੰਦਰਤਾ\' ਕਰਾਰ ਦਿੱਤਾ | ਐਕਸ \'ਤੇ ਇਕ ਪੋਸਟ \'ਚ ਉਨ੍ਹਾਂ ਨੇ ਕਿਹਾ ਕਿ ਲੋਕਾਂ ਦੇ ਫੈਸਲੇ ਦਾ ਸਤਿਕਾਰ ਕੀਤਾ ਜਾਣਾ ਚਾਹੀਦਾ ਹੈ, ਭਾਵੇਂ ਸਮੁੱਚੇ ਤÏਰ \'ਤੇ ਯੂ.ਡੀ.ਐਫ. ਲਈ ਹੋਵੇ ਜਾਂ ਉਨ੍ਹਾਂ ਦੇ ਹਲਕੇ \'ਚ ਭਾਜਪਾ ਲਈ |

ਬਲਾਚੌਰ, 13 ਦਸੰਬਰ (ਨਰੇਸ਼ ਧੌਲ, ਦੀਦਾਰ ਸਿੰਘ ਬਲਾਚੌਰੀਆ)-ਬਲਾਚੌਰ ਵਿਖੇ ਉਸ ਵੇਲੇ ਦਹਿਸ਼ਤ ਦਾ ਮਹੌਲ ਬਣ ਗਿਆ, ਜਦੋਂ ਬਲਾਚੌਰ ਤੋਂ ਸੁੱਜੋਵਾਲ ਰੋਡ \'ਤੇ ਸਥਿਤ ਖ਼ਾਲਸਾ ਫਾਰਮ ਦੇ ਨਜ਼ਦੀਕ ਇਕ ਵਿਅਕਤੀ ਦੀ ਤੇਜ਼ਧਾਰ ਹਥਿਆਰ ਮਾਰ ਕੇ ਵਿੰਨੀ ਗਈ ਲਾਸ਼ ਅੱਧ ਸੜੀ ਹਾਲਤ \'ਚ ਕਾਰ ਸਮੇਤ ਪੁਲਿਸ ਵਲੋਂ ਬਰਾਮਦ ਕੀਤੀ ਗਈ | ਇਸ ਸਨਸਨੀਖੇਜ਼ ਵਾਰਦਾਤ ਦੀ ਸੂਚਨਾ ਮਿਲਦੇ ਹੀ ਥਾਣਾ ਸਿਟੀ ਬਲਾਚੌਰ ਦੇ ਮੁੱਖ ਅਧਿਕਾਰੀ ਇੰਸਪੈਕਟਰ ਰਾਜ ਪਰਵਿੰਦਰ ਕੌਰ ਪੁਲਿਸ ਪਾਰਟੀ ਸਮੇਤ ਮੌਕੇ \'ਤੇ ਪੁੱਜੇ, ਜਿਨ੍ਹਾਂ ਵਲੋਂ ਲਾਸ਼ ਅਤੇ ਕਾਰ ਨੰਬਰ ਪੀ.ਬੀ. 10 ਐਚ.ਏ. 1929 ਨੂੰ ਆਪਣੇ ਕਬਜ਼ੇ \'ਚ ਲੈ ਲਿਆ ਗਿਆ | ਇੰਸਪੈਕਟਰ ਰਾਜ ਪਰਵਿੰਦਰ ਕੌਰ ਦੱਸਿਆ ਕਿ ਮਿ੍ਤਕ ਦੀ ਸ਼ਨਾਖਤ ਨਵਾਂਸ਼ਹਿਰ ਦੇ ਪ੍ਰਸਿੱਧ ਕਰਿਆਨਾ ਕਾਰੋਬਾਰੀ ਰਵਿੰਦਰ ਸੋਬਤੀ ਵਜੋਂ ਹੋਈ ਹੈ ਅਤੇ ਮਿ੍ਤਕ ਦੇ ਪੁੱਤਰ ਸੁਮਿਤ ਸੋਬਤੀ ਦੇ ਬਿਆਨਾਂ ਦੇ ਆਧਾਰ \'ਤੇ ਮੁਕੱਦਮਾ ਦਰਜ ਕੀਤਾ ਗਿਆ ਹੈ | ਸੁਮਿਤ ਸੋਬਤੀ ਵਲੋਂ ਦਿੱਤੇ ਬਿਆਨਾਂ ਅਨੁਸਾਰ ਉਸ ਦਾ ਪਿਤਾ ਆਪਣੀ ਕਾਰ \'ਚ ਸਵਾਰ ਹੋ ਕੇ ਬੰਗਾ ਰੋਡ ਤੋਂ ਘਰੇਲੂ ਕੰਮ ਵਾਲੀ ਔਰਤ ਨੂੰ ਲੈਣ ਗਿਆ ਸੀ ਅਤੇ ਜਦ ਉਹ ਦੇਰ ਰਾਤ ਵਾਪਸ ਨਾ ਆਏ ਤਾਂ ਉਨ੍ਹਾਂ ਵਲੋਂ ਵਾਰ-ਵਾਰ ਆਪਣੇ ਪਿਤਾ ਦੇ ਫੋਨ ਉਪਰ ਸੰਪਰਕ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਸੀ ਪਰ ਉਨ੍ਹਾਂ ਨਾਲ ਸੰਪਰਕ ਨਹੀ ਹੋ ਸਕਿਆ | ਇੰਸਪੈਕਟਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਸੂਚਨਾ ਮਿਲੀ ਕਿ ਇੱਕ ਆਈ10 ਕਾਰ ਖ਼ਾਲਸਾ ਫ਼ਾਰਮ ਨਜ਼ਦੀਕ ਸੜਕ ਕਿਨਾਰੇ ਪੋਲ ਨਾਲ ਟਕਰਾਈ ਹੋਈ ਹੈ ਅਤੇ ਉਸ \'ਚ ਅੱਗ ਲੱਗੀ ਹੋਈ ਹੈ, ਜਿਨ੍ਹਾਂ ਵਲੋਂ ਤੁਰੰਤ ਮੌਕੇ \'ਤੇ ਪੁੱਜ ਕੇ ਆਪਣੀ ਟੀਮ ਦੀ ਮਦਦ ਨਾਲ ਅੱਗ ਨੂੰ ਬੁਝਾਇਆ ਗਿਆ ਅਤੇ ਲਾਸ਼ ਨੂੰ ਕਬਜ਼ੇ \'ਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ | ਉਨ੍ਹਾਂ ਦੱਸਿਆ ਕਿ ਮੌਕੇ \'ਤੇ ਫੋਰੈਂਸਿਕ ਮਾਹਿਰਾਂ ਦੀ ਟੀਮ ਵਲੋਂ ਸਬੂਤ ਇਕੱਠੇ ਕਰਨੇ ਸ਼ੁਰੂ ਕਰ ਦਿੱਤੇ ਗਏ ਹਨ | ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਇਲਾਵਾ ਸੀ.ਸੀ.ਟੀ.ਵੀ. ਕੈਮਰਿਆਂ ਅਤੇ ਫੋਨ ਕਾਲ ਡਿਟੇਲਾਂ ਨੂੰ ਵੀ ਖੰਗਾਲਿਆ ਜਾਵੇਗਾ, ਜਿਨ੍ਹਾਂ ਦੇ ਆਧਾਰ \'ਤੇ ਕਾਤਲਾਂ ਨੂੰ ਛੇਤੀ ਹੀ ਕਾਬੂ ਕਰ ਕੇ ਕਾਨੂੰਨੀ ਕਾਰਵਾਈ ਨੂੰ ਅਮਲ \'ਚ ਲਿਆਂਦਾ ਜਾਵੇਗਾ |
ਪੰਜਾਬ \'ਚ ਦਹਿਸ਼ਤ ਦਾ ਮਾਹੌਲ-ਅਜੇ ਮੰਗੂਪੁਰ
ਘਟਨਾ ਦੀ ਸਖ਼ਤ ਸ਼ਬਦਾਂ \'ਚ ਨਿੰਦਾਂ ਕਰਦਿਆਂ ਕਾਂਗਰਸ ਦੇ ਜ਼ਿਲ੍ਹਾ ਪ੍ਰਧਾਨ ਅਜੇ ਮੰਗੂਪੁਰ ਨੇ ਕਿਹਾ ਕਿ ਪੰਜਾਬ ਸਰਕਾਰ ਹਰ ਫ਼ਰੰਟ \'ਤੇ ਫੇਲ ਸਾਬਤ ਹੋਈ ਹੈ | ਗੈਂਗਸਟਰ ਦਿਨ-ਦਿਹਾੜੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦੇ ਕੇ ਫਰੌਤੀਆਂ ਵਸੂਲ ਰਹੇ ਹਨ | ਉਨ੍ਹਾਂ ਕਿਹਾ ਕਿ ਜਿਸ ਦਿਨ ਤੋਂ ਪੰਜਾਬ \'ਚ ਆਮ ਆਦਮੀ ਪਾਰਟੀ ਦੀ ਸਰਕਾਰ ਬਣੀ ਹੈ, ਉਸ ਦਿਨ ਤੋਂ ਕੋਈ ਵੀ ਵਿਅਕਤੀ ਸੁਰੱਖਿਅਤ ਨਹੀਂ | ਕਿਸੇ ਨੂੰ ਘਰ ਬੈਠੇ ਗੋਲੀਆਂ ਨਾਲ ਭੁੰਨ ਦਿੱਤਾ ਜਾਂਦਾ ਹੈ ਅਤੇ ਕਿਸੇ ਨੂੰ ਉਨ੍ਹਾਂ ਦੇ ਕਾਰੋਬਾਰੀ ਸਥਾਨ \'ਤੇ | ਉਨ੍ਹਾਂ ਪੁਲਿਸ ਨੂੰ ਅਪੀਲ ਕੀਤੀ ਕਿ ਇਸ ਮੰਦਭਾਗੀ ਘਟਨਾ ਦੀ ਜਲਦੀ ਤੋਂ ਜਲਦੀ ਜਾਂਚ ਕਰਕੇ ਘਟਨਾ ਨੂੰ ਅੰਜਾਮ ਦੇਣ ਵਾਲਿਆਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ |